孙慧雪外佣瘟仔夜归唔醒 爆姐姐七不思议事件推窗落街最离谱

2022-06-26 21:30

孙慧雪屡遇失职家佣,爆姐姐七不思议事件推窗落街最离谱。
孙慧雪屡遇失职家佣,爆姐姐七不思议事件推窗落街最离谱。

靓妈孙慧雪今日凌晨突然在社交网出Po向网民求助:「新请咗位姐姐,佢今日放假但到而家2:33am都唔返屋企,你哋觉得应该点做?」原来雪雪好黑仔,曾经请过欠债、偷窃,以及涉犯罪集团的家佣姐姐,并有警察攞搜查令上门,自嘲「唔识睇人」。

听取网民意见后,雪雪终于忍不住要「爆」嘞!相隔不足半日,就决定怒炒这位只是工作了两星期的姐姐,透露对方已在朝早6时返家,并瞓到11点才被雪雪叫醒,姐姐声称「唔舒服所以唔返嚟」,雪雪终于忍不住对方大话连篇,决定「分手」,并列出这位新姐姐七不思议事件,等大家食花生。

 

孙慧雪凌晨出Po,向网民求教点应对唔返屋企瞓嘅家佣。
孙慧雪凌晨出Po,向网民求教点应对唔返屋企瞓嘅家佣。

 

因为同老公都要工作,真系好需要请家佣帮手做家务同照顾小朋友。
因为同老公都要工作,真系好需要请家佣帮手做家务同照顾小朋友。

 

孙慧雪话对请姐姐有阴影,真系搞到个人好攰。
孙慧雪话对请姐姐有阴影,真系搞到个人好攰。

 

雪雪之前遇过嘅家佣都好多问题。
雪雪之前遇过嘅家佣都好多问题。

 

1. 本来应该到嗰日,即第一日,佢失联,后来再出现话前雇主帮佢搞farewell party, 所以失踪咗一日。

2. 嚟到唔做嘢,我洗衣篮满泻,我哋问佢系咪唔识用洗衣机啊?不如教你呀,佢话:我识呀,已经帮自己洗咗几机衫,然后我先发现,系喎!晾起全部都系佢啲衫!

3. 佢嚟到第一日,要求每晚都要有me time做运动,都唔紧要,但系佢晚晚一早就自己收工,唔会再帮手,然后攞瑜伽席,换晒full set运动衫,做瑜伽!跟住又系洗自己啲做完运动嘅full set运动衫唔系我哋啲衫⋯⋯

4. 面试时,佢话自己好内向,唔锺意出街,剩系会匿喺屋企,除非有紧要事要办先出去,下午两三点都已经会喺屋企,结果第一日放假,佢话夜晚11点先返,我哋O晒嘴,话佢interview都唔系咁讲,佢话我锺意匿喺男朋友屋企,可能我帮惯外国人做嘢罗,同你哋style唔同😅😅😅😅😅😅😅😅😅😅

5.佢做咗几日,表明自己就做唔晒啲嘢㗎啦,你哋请多个姐姐嘅时候,我再同佢倾,点样合作做你哋屋企啲嘢啦😅😅😅😅😅😅😅😅其实我屋企只得我、老公同小朋友,小朋友已经尽量自己凑,接送都系我同老公,有家教老师喺度嘅时候,佢都唔帮我哋执床,自己去咗me time🤦🏻‍♀️🤦🏻‍♀️

6. 最夸张嘅系:第一日入屋,佢用神力推咗我屋企只窗落街!!!!真系非常好彩系,无伤到人!!!之后佢同我讲, 只窗系自己跌咗落街!(注:只窗喺工人房)利申:我哋屋企系新装修,仲要有验窗,可能系之前啲姐姐整松咗,都唔可以完全怪晒佢嘅!不过系我人生入边一件好难忘嘅事!

7. 叫佢帮我哋攞嘢,佢话佢攞唔到,叫我哋自己攞🤣🤣🤣🤣🤣🤣太多⋯⋯不能尽录!

雪雪今日接受《头条娱乐》访问,透露新姐姐只是工作了两星期,她声线超级无奈说:「试过有姐姐话唔想凑小朋友,要我自己凑,真系好难请呀!佢哋睇人恰,我鼓起勇起话佢哋都唔惊,其实我已经好嬲。」她表示两夫妻都要工作,所以一定要请姐姐,但已有阴影:「真系好嘥钱呀,好攰呀!人生真系。」

 

七不思议事件,真系唔系每位顾主都可以忍受到。
七不思议事件,真系唔系每位顾主都可以忍受到。

 

只窗会神奇地飞落街,雪雪就唔多相信。
只窗会神奇地飞落街,雪雪就唔多相信。

 

可能雪雪个样太善良,所以连姐姐都忍唔住要恰佢。
可能雪雪个样太善良,所以连姐姐都忍唔住要恰佢。

 

星岛新闻集团庆回归25周年专题网站,请即浏览

立即下载 | 全新《星岛头条》APP : https://bit.ly/3yLrgYZ 

關鍵字

最新回应

關鍵字

相關新聞

热门文章

You are currently at: std.stheadline.com
Skip This Ads
close ad
close ad