黄泽锋望3岁「小黄妃」读K1前戒片雨侨不设房计划生B凑成好字

2022-06-26 12:00

过去两年多，大家要居家避疫，小朋友不能外出「放电」，苦了家长，疫情放缓，陆续恢复各类型社交活动。雨侨、黄婉曼(Icy)、张嘉儿、黄泽锋、岑洁仪(Zoey)、陈爽、Annie G.、DaDa及老公赵劲皓等，即急不及待带着子女到九龙湾出席「Peppa Pig玩乐日互动特展」，一连两日的星级优先试玩，大人小孩均乐而忘返。

黄泽锋童心未泯，陪着女儿玩不同游戏。

罗力威同雨侨陪囡囡玩滑梯，个样好紧张。

邝文珣同囡囡。

黄泽锋的囡囡「小黄妃」黄熙恩下月便3岁，她甫进布置靓靓会场即雀跃又兴奋，嚷着要坐小火车「出游」，经过时更不停向栏外的爸妈挥手，由于未有其他小朋友排队，小黄妃不舍得下车，玩完又玩。黄泽锋父女虽年龄相差52年，但爸爸也童心未泯，陪着女儿玩波波池，小黄妃将入读K1，黄泽锋说：「之前疫情，佢差不多冇上过N班，可能佢唔怕丑，我唔担心佢返学会喊。呢排就要同佢戒片同教吓佢多啲英文。」黄熙恩学习能力很强，见到地上的跳飞机，即懂得一边念英文数字，一边跟着跳。自问是「猫爸」的黄泽锋很包容女儿：「只要唔危险同冇礼貌，我都畀佢自由放纵发展。」

雨侨和罗力威的女儿囡囡Harper会在8月返N班，雨侨升呢妈咪后，一直亲力亲为照顾女儿，小朋友比较黐身，所以她担心Harper返学不接受要跟父母短暂分离：「playgroup老师有教我，试吓搵个囡囡冇咁黐嘅人陪佢返学，我咪叫爸爸凑佢去，点知返咗两堂，囡囡唔肯上堂，结果要我自己凑番。」看着女儿长大，雨侨又心思思想再生B，已开始不设防，希望尽快凑个好字。而靓妈Icy、Zoey和陈爽疫前常见面，但过去半年都没见，当日相约带着子女来玩，星妈们见面即鸡啄唔断。