林作反对姜涛话追星要理智 强调偶像不能食碗面反碗底不可一世

「抽水王」林作继追击陈凯琳孖生弟弟Derek求验DNA后，再就「人气王」姜涛拒绝合照「隐衷论」发表意见，不过今次就戴定头盔，强调无意挑衅姜糖（姜涛Fans昵称），也非抽水，他只讲出重点来，要不平则鸣，就系追星本身又点会系理智？追星本身就系唔理智行为啦！同时认为偶像不能食碗面反碗底，更不能不可一世。林作呢番理论获部份支持，为佢负面形象攞返少少分。

 

「抽水王」林作强调系讲情理，无意挑衅姜糖（姜涛Fans)，也非抽水。

 

姜涛今日喺社交平台撰写长文，就拒绝跟fans合照有隐衷分享内心感受。

 

林作继追击陈凯琳孖生弟弟Derek求验DNA后，再惹火头。

 

林作曾自夸赞跟姜涛成就同样咁劲，所以好留意姜涛嘅一举一动，对于姜涛今日解释拒同姜糖合照、签名，甚或录一句生日祝福嘅难处，林作唔大认同，他喺社交平台留言：「无意挑衅，我自己也有下线系姜生粉丝。但请问追星本身又点会系理智？追星本身就系唔理智行为啦！理智就唔会去追星啦吓嘛？！如果我去追你星，追少少你都会话我癫癫哋啦？就好似同人讲：上牀要理智一样地矛盾。我理智我仲点搞人啊！既然都系不理性行为，咁做就去尽吧！做得就本身系感性行为，我凭什么要理智！要追就他妈的疯狂地追！如果唔系点称得上追星？点称职？你无需自责！你要自豪可以搞到人地疯狂。至少你班fans同你齐齐整整留在香港，冇被你搞到远走加拿大。」

 

林作平日工作咁忙，都有时间喺社交网发长文。

及后他再出Po否认又系抽水行为：「再次地，其实很多时候我根本不是要抽水，而是不平则鸣。个样冇可能系，咁我就讲。反智，咁我又出声，仅此而已。注意：我不反对追星啊，我支持！人系感性动物，总要有啲非理性嗜好。我只是认为偶像不能食碗面反碗底。更不能不可一世。」

 

之后他再有补充篇。

 

有网民支持林作言论。

 

 

姜涛会唔会理林作呢？

 

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ