独家丨赵希洛狂掴陈山聪面都红晒 「御用癫婆」惊喜玩诡异获赞

有无綫「御用癫婆」之称嘅赵希洛喺TVB剧集《十八年后的终极告白2.0》再度「发功」，演技获赞。她预言好戏在后头，稍后剧情会更激，除咗有激动牀戏外，仲会狂掴陈山聪嚟泄愤，赵希洛首次玩真打紧张到不得了，但好感激呢位好拍档嘅信任及力撑：「佢好抵得谂，系抵赞嘅。」采访：方骞平 摄影：林建安

赵希洛锺意睇暗黑真实纪录片，研究人类心态嚟操演技。

赵希洛有无綫「御用癫婆」之称，但其实她性格开朗。

剧中刚小产的赵希洛知道老公陈山聪与谭凯琪搞婚外情，双重夹击下大报复，一秒变奸，诡异嘅眼神加上阴险笑容，被网民大赞「疯狂DNA」回归了。她既惊又喜：「可能大家锺意我做某一类型嘅角色啦，但我都冇谂过竟然有咁多人留意我，呢啲评语每个演员都锺意听到，唯一担心会被定型，之后被困喺某啲角色上。」 

赵希洛大赞陈山聪系最窝心嘅好拍档。

赵希洛屈谭凯琪推佢落楼梯，之后一秒变脸。

日前有场大露背场口。

打完个心唔舒服

赵希洛认为，《十八年后》最难应付系有场要真打陈山聪嘅戏：「原先剧本冇呢场戏，但睇完剧本，Joyce(角色)当时谷到爆好需要发泄，我同监制要求加返场掌掴戏落去，山聪听到都一口答应。以前分别借位打过邝洁楹及李施嬅，但今次首次打落人哋块面，虽然有避开掴到佢耳骨，但进入状态太投入时都会打错位，仲要补镜位打咗两次，每次都大大力打到啪啪声，山聪面都红晒，真系唔好意思，始终被打嗰个都唔好受。」

一场天台喊戏令人印象深刻。

《金宵大厦2》中赵希洛曾出手掴过李施嬅。

 

赵希洛喺《金宵大厦》中演癫婆上位。

赵希洛在《万千星辉颁奬典礼2019》凭《金宵大厦》夺「最佳女配角」。

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ