独家丨余德丞预告同ViuTV好多合作计划自由身个几月拍广告劲赚6位数

2022-06-17 07:00

余德丞（Dickson）上月离开工作8年的TVB，即涉猎多个范畴，自认Slash一族的他，努力向KOL发展，而经营逾两年多的YouTube频道，亦得到网民力撑，订阅人数激增5倍，最重要深得广告商欢迎，自由身个多月已接拍多个广告劲赚6位数。而刚于商台《口水多过浪花》变固定主持的他，自爆曾经请辞，又透露跟ViuTV将有好多合作计划，未来更希望开个人工作室，自己捧自己。采访：杜杜摄影：梁有财场地：The Fleming Hong Kong

Dickson拍片大部分工作自己包办，虽然吃力，但满足感特别大。

离巢前，Dickson的个人频道只得1万多订阅，短短个多月已增至6万多，他认为原因好简单，「我唔系恒常拍片，恒常拍片后多咗一班支持我嘅朋友，好开心佢哋会畀好多意见我。」每周Dickson都会有新片上架，虽然分美食、生活及游戏三个主题，但为食的他以拍饮食片为主，「我好锺意食嘢，使钱喺食嘢多过买衫，食一餐好食嘅嘢令我满足又开心，唔理贵定平，最紧要好食。」

Dickson的个人频道成立逾两年，现有6万多订阅。

Dickson透过自己频道公开离巢消息，此片更有接近100万浏览量。

坚拒拍摄贷款广告

同为YouTuber，Dickson不敢视已上神台的林芊妤（Coffee）为目标，「佢太劲，我冇可能去到嗰个位，我只希望我嘅片得到认同。」未来他会发掘更多题材拍片，例如打机片。拍片一脚踢的他，认为离巢前参与《真女神转身》最有帮助，「节目嘅定位、资料搜集、构思内容，搵女嘉宾，甚至摆机位，我都有帮手，8年练习去到最尾有份制作嘅综艺节目，帮咗我好多，自己出嚟拍片，识得点样拿捏。」

Dickson表示参与《真女神转身》，对他制作网片有一定帮助。

Dickson好为食，讲饮讲食的【美食收割Dick】片量最多。

Dickson早前为「9BoThew 胶保废」拍片「试伏」，引起餐厅老板不满报警，并要求道歉，因牵涉法律问题，他不再回应。

Dickson坦承靠频道收入搵唔到食，不过他拍片风格得到不少广告客户欣赏，已接了多个网上广告，虽然压力大，但满足感亦大，「1分钟之内个客要有咩shot，点样融入去系吃力嘅，要花多啲时间，但最后个客同观众都锺意睇，会好开心。」刚出街有须刨和电子广告，他预告还有日本服装连锁店等不同类型广告，甚至有电视广告搵上门，收入亦好满意，「点都有6位数，但啲人见到6位数就会谂90万，哈哈！好开心，最主要系满足感，有时唔系收嗰份钱系咪赚到最尽，系当中个过程学到嘢。」不过他强调贷款广告就一定唔会接，「有机会令到人身败名裂，呢个系我其中一个底线，无论酬劳几多都好，都会落闸。」

Dickson笑言被网友质疑须刨广告「造假」，「啲人唔信我有须喎！话后期画落去，我都系男人嚟，特登留咗4、5日拍，仲要嗰几日唔做得嘢。」

Dickson在网片再出自己留须相澄清，劲搞笑！

感激Do姐不断提点

Dickson开拓的新一瓣，就是为商台《口水多过浪花》担任客席主持，他感激Do姐的帮助，「佢系个好值得信赖嘅前辈，我的确问过佢好多意见，当然佢唔会捉住你点样行啦！但系会畀个方向你思考，𠵱家每日都会问我工作成点，好开心得到佢嘅提点。」不过Dickson自爆曾主动请辞，「第一个礼拜做得唔好，我亦都好担心，唔想畀人负面感觉，我同佢哋讲不如唔做啦！但佢哋都有鼓励我试多阵，返份工试用期都唔会得几日，好开心同多谢商台畀机会。」

Dickson跟Do姐主持《口水多过浪花》，最初压力好大。

继早前亮相Now Sports节目《Football Party Room》后，Dickson预告将会跟ViuTV有不少合作，「暂时上咗两个综艺节目做嘉宾，剧集都接洽当中。」ViuTV强项是真人骚，Dickson都想一试，「不如试下煮嘢食，我好地狱㗎！觉得自己好识食，但煮系完全O分，呢个想挑战吓。」但探灵就咪搞佢嘞。

Dickson离巢后，即亮相Now Sports节目《Football Party Room》。

近日Dickson拍片透露，再上ViuTV录影节目。

自由身的Dickson，暂无意再签公司，反而想自组个人工作室，「有谂过呢个方向，但系再睇定啲先，始终都系1个月，希望做得再成功啲，跟住有自己团队。」他又自夸会是好老板，「对帮我嘅人会对佢哋好好，如果我将来搵你做嘢嘅话，放心跟我。」亲自接洽工作的他，坦承最难是倾价钱，「讲到钱呢样嘢真系好尴尬，畀得太平自己唔舒服，但畀得太多佢又唔舒服喎！攞个中间位，大家互相尊重。」