赵希洛天台戏喊足4个半钟 27岁邓卓殷靠空气刘海演活14岁学生妹

2022-06-04 13:30

TVB新剧《十八年后的终极告白2.0》自开播后，焦点一直集中在三位女主角-谭凯琪、龚嘉欣及赵希洛（Candice）身上，饰演宋慧琪（Joyce）的Candice因为连环遭受小产打击，留院期间哭了又哭，先是对著老公Jason（陈山聪饰）欲哭无泪兼自责的问道：「BB明明佗得好哋哋，点解突然之间冇咗…系咪我做得唔好…」再来情绪Level Up，挂著两大行泪水走上医院天台企跳：「我真系接受唔到呀！我发梦仲见到我哋个BB，佢喊得好惨，好想抱佢，但我抱唔到佢…」。

连环小产，真系女人最痛！

最终都系难抵丧子之痛，打算企跳了结生命。

Candice呢个「欲哭无泪」Mode，比悲伤更悲伤。

与老公Jason（陈山聪饰）相拥痛哭。

不少网民对于Candice天台喊戏直呼印象深刻，大赞演绎有层次。Candice及后在社交网上载拍摄花絮照，并透露原来为了该场戏喊足4.5小时！Candice事后受访时坦言两场喊戏均做足功课，与教戏老师讨论了不少细节位：「每一种痛嘅演绎方法都有好大分别，好感恩大家有留意到。每场喊戏我都分咗唔同嘅程度，因为每个人就算经历同一件事，未必每次嘅哀伤都系一样。

由于Candice的「癫婆」演出太深入民心，网民期待她再登「癫」峯，对此监制王伟仁笑言Candice该两集演出只是「小菜一碟」，随著剧情发展她将延续「疯狂的血」，带给观众前所未有的官能刺激：「大家应该从来冇见过咁嘅赵希洛。」

Candice拍呢场戏喊足4个半钟，认真辛苦。

谭凯琪个眼神，好似充满不甘咁。

难忘龚嘉欣奇招谷眼泪

昨晚（3日）一集亦有新角色登场，便是饰演龚嘉欣14岁妹妹沈晓彤的邓卓殷（Amber）。虽然Amber已年届27岁，饰演真实年龄相差13年的学生妹却零违和，Amber受访时分享扮演学生妹心得：「会观察表妹平时嘅举动同埋语气，第二睇完剧本后唔好谂得太复杂，因为小朋友比较直率。」另外又分享三大贴士，就是空气刘海配鬓辫以及校服，Amber笑言：「著住校服之后即刻觉得自己系学生，好帮到入戏！」Amber又谓难忘龚嘉欣对她的照顾：「有一场情感戏，嘉欣捉住我对手讲番我哋戏入面嘅处境，即刻帮到我入戏，啲眼泪冲出嚟，好感谢有佢。」