独家丨叶巧琳细个睇动画已玩扮声跟陈苇璇柯炜林首度声演

2022-04-22 07:00

叶巧琳（Mischa）、陈苇璇和柯炜林（Will）首度声演动画《星梦动物园 2》，三人提到演绎角色都大表兴奋，特别是由细到大都梦想为动画角色配音的 Mischa，她更自爆最爱睇公主动画，更会忍不住边睇边玩扮声。

采访：杜杜

形象：@alanng_ts(Mischa)

发型：Oscar Ngan@ii ALCHEMY hair(Will)、Larry Ho @ Aveda IL COLPO(苇璇)、 @[email protected](Mischa)

化妆：Kineks Ho(Will)、Melody Chiu(苇璇)、@cyruslee1018(Mischa)

服装：Kowloon City Boy、Vo-yage、 Mei Wo Leng(Will)、PortsPURE(苇璇)、 @marella_official@marellahk(Mischa)

今次《星梦动物园2》，加入了不少新角色。

Mischa试完演「努丝」，下次最想挑战奸角。

舞功世一的「努丝」，寸寸哋好有性格。

最初接到声演机会，三人中Mischa显得最高兴，「我自细好锺意睇动画，尤其是有啲动画有唱歌，一直梦想好想配到音，唱到中文版就好啦！我记得我比赛嗰时有讲过，我哋做访问都讲过。（边睇边扮声？）最锺意呀，哈哈！尤其是细个劲锺意发公主梦，会扮嗰啲声，最锺意扮小鱼仙。」而苇璇原来亦有扮声瘾，「我私底下都好锺意扮一啲唔同卡通嘅声，譬如蜡笔小生，我都锺意公主，但系我个人唔系好公主，如果扮都系花木兰嗰啲型啲。」

Will试过自恋角色，下次想声演反差大的怕丑仔。

自恋到极致的「德力士」（左），反而有其可爱处。

引发苇璇少女心

讲到今次声演角色，Will觉得扮极度自恋牛「德力士」超好玩，「佢嘅自恋系唔理其他人，自信系大到完全膨胀嘅地步，好可爱，我就将佢所有嘢都夸大少少去做。」而Mischa演绎劲舞猫「努丝」，连苇璇忍不住话：「好似你！」Mischa认同话：「佢跳舞超叻，劲有自信，但有少少厌世，比较寸，系咪好似我呀！可以将我寸嗰方面发到最大去声演呢个角色，佢哋话拣我做都系因为我讲嘢贱贱格格寸寸哋咁，我好enjoy可以完全冇保留咁喺度寸，好开心。」至于苇璇就多得今次演富二代狼「波莎」，令少女味涌晒出来，「有样嘢同我好似，佢将我内在好细路女嘅状态表现出嚟，我平时唔会咁样讲嘢，我一做佢估唔到女仔嗰面都几突出，我平时同朋友去玩先会有呢个状态。」