郑欣宜胡子彤芒草原谈情 小黑羊乱入MV成电灯泡

郑欣宜（Joyce）将于下月在红馆举行演唱会，日前推出新歌《我地》，邀请彭秀慧导演再为MV操刀，并由型男胡子彤担任男主角，与Joyce饰演情侣。他们手拖手穿过森林和山谷，又在小芒草原奔跑，期间遇上一群小黑羊食草，更走近坐在草地上谈情的Joyce和子彤，这班电灯泡变成临时演员，令MV更添浪漫气氛！

 

欣宜刚推出新歌《我地》。

MV展现感性一面。

 

甚少演爱情戏的Joyce说：「我唯一拍过有爱情戏份就系彭导电影《29＋1》，而上次拍MV有男主角都差不多十年前，今次邀请胡子彤演情侣可谓精挑细选。」身旁的子彤说：「好荣幸参演呢个史诗式爱情故事嘅MV，非常好玩，第一次跟彭导和Joyce合作，我本身好少拍MV，拍戏又无爱情线，所以特别期待我哋两个都咁少拍爱情故事嘅人会擦出咩火花。」彭秀慧说：「第一次听呢首歌已经好感动，好想拍成史诗式爱情故事，纵使有好多经历和障碍，只要相信就有希望。」

 

欣宜同胡子彤难得有感情线，都有拖吓手仔。

现场有小黑草食草。

仲愈来愈多，好有趣。

二人喺小芒草原上奔跑。

 

拍完MV继续做「男/女朋友」

此外，日前Joyce约埋子彤IG开直播睇MV首播，他们隔住萤光幕放闪，互嗌对方「男朋友」和「女朋友」，原来他们在MV拍摄现场就以男女朋友称呼对方，Joyce透露：「今次MV拍咗两日，第一日虽然子彤唔使埋位，但佢嚟咗探班，走嘅时候佢同我讲：『女朋友，拜拜！』其实我哋只系见第二次面，好多谢佢咁投入MV角色，我当然嗌返佢『男朋友』啦！嘻嘻，讲完都有啲面红。」

 

 

拍完MV，都叫对方做「男/女朋友」。

 

 

更多新冠疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ