张敬轩获同乡陈蕾赠针织「安全套」 帮手笠埋劲热心
2022-05-28 16:30 
《张敬轩THE NEXT 20 演唱会》昨晚（27日）踏入第13场，这晚他请来同乡陈蕾一起载歌载舞，两人合唱《诗邮寄》，High爆全场，不过都唔够陈蕾送上的礼物咁哄动！最近爱上针织的陈蕾送上手织的咪套，既美观又可以保护个咪，更亲手帮轩仔「笠」上去，引得观众狂笑，连轩仔都忍唔住话：「呢份礼物真系好爆。」
轩仔在台上介绍同乡陈蕾时，表示二人来自同一城市，而且同样是唱作人，又分享对陈蕾的感觉，「每一次喺工作场合见面，都觉得佢好冷艳，好Cool，好有距离感，点解呢个新人成日口黑面黑，哈哈。」而陈蕾就表示一直都好欣赏轩仔，「我中学时喺广州睇过你好多演出，当时你刚出道，广州出咗个歌手叫张敬轩，我哋周围介绍畀身边同学知，大家觉得好骄傲好光荣。今日好开心有机会，你邀请我来做嘉宾。多谢你！」至于轩仔觉得她很有距离感，她表示：「我唔系有距离感，为咗证明我其实好贴地，又随和，我准备咗一份礼物畀你，我系安排得比较后面嘅嘉宾， 送礼比你好大压力……我谂过，想从早餐呢方面出发，送咸菜配白粥都几好食……」轩仔忍唔住插嘴：「难道我还未够咸？可以再咸少少？」引得观众哈哈大笑。
陈蕾最后选择送上亲手织的礼物，不过当她拎出条状物时，全场都笑到反肚，轩仔即追问，「喂，你呢个乜嘢嚟先？咁嘅形状？哈哈哈……离远望佢，我估都差唔多Size……哈哈哈……中间仲有个心形，可以笠喺边呢请问？你知『冷』嘢都刮……哈哈哈……」一连串妙语连珠爆发，观众全部笑到碌地兼拍烂手掌，狂笑狂起哄，陈蕾就解画话，「其实系笠喺个咪到……」她更热心提出：「你要唔要我帮你笠？」接着就亲手帮轩仔戴套，轩仔却担心观众离远拍照会有色差，提醒大家个套是粉红色的。
昨晚Encore部份，轩仔请来了小师妹许靖韵（Angela），两人一起合唱《别为我好》，Angela出道时有个花名叫「小背心」，所以昨晚她亦带了一件小背心上台送给师兄，并与全场观众一起欢呼大叫轩仔即场换上给大家看看，「因为你之前送过件三点式畀我，提醒我做人做事要记得三点，同事又话你操得好Fit，但冇乜点露 ，所以我谂住送件小背心畀你。」全场观众这时帮Angela一起大叫：「除衫！」轩仔笑住话，「你唔系谂住叫我即刻着吓嘛？你哋未见过麻甩佬着背心咩？」更作状除衫，搞到全场非常兴奋，但到最后还是走数，笑称：「哗，要睇我即场换衫，张飞就要$1680！哈哈……应承你，下次见你着畀你睇！」
更多新冠疫情资讯，请到以下专页浏览（按此）
立即下载｜全新《星岛头条》APP：https://bit.ly/3yLrgYZ
最新回应