张敬轩再踏红馆台板百感交杂 观众拎纸扎灯牌撑场引注意

张敬轩于一月初在红馆举行《THE NEXT 20演唱会》因疫情暂停，随防疫措施放宽，今晚在红馆补场，并紧守现行防疫措施安排五成观众入座。轩仔于一遍欢呼声中出场，唱毕《Do What You Want》及《骚灵情歌》后，他向四面观众深深鞠躬致谢：「多谢大家！欢迎大家返嚟第十一场《张敬轩THE NEXT 20演唱会》！」他笑言：「之前谂住做五场休两日，好开心啦！点知今次做十场休咗四个月呀！多谢每一位观众朋友咁支持我，多谢大家。今晚得五成观众，但系已经系呢个时侯嘅full house ！真系百感交杂！呢四个月发生好多事，我哋身边，我哋香港都系。大家可以再坐返系呢度，我要怀住好感恩的心去努力唱好今晚每一首歌，我决定呢十六场演唱会，每一场都当尾场咁做。我唔系讲笑，话你听，今晚有两个嘉宾！」观众听到随即起哄，轩仔就无奈笑谓：「我觉得好灰，大家唔系来睇我咩？所有亲友都系问，我嗰晚有咩嘉宾？我咪系你个嘉宾罗！」

 

张敬轩华丽登场。

 

张敬轩话之前跨年骚谂住开几场休息两日好爽，点知今次一休息就4个月……

 

接着轩仔发现有歌迷高举一个很闪的纸扎牌，便指着对方说：「又系你呀！呢位朋友每次整啲好配合红磡主题的灯牌畀我！我想问中间识闪嗰嚿黄色系咩？钟？你送个钟畀我？纸扎钟？你真系好嘢！仲要刚好12个字系我扮 MIRROR个样！就凭你呢份创意，我真系要回返个礼畀你，就系我私人家属票，送两张尾场山顶位畀你！工作人员帮我mark一mark呢个老兄，佢个牌，帮我化咗佢得啦。你一阵睇完骚去玻璃门等，其他附近地方啲门你都咪随意入！真系大吉利是，纸扎礼物一年收一次够啦，百无禁忌！」引得观众大笑，好多歌迷都开心大叫：「我又要礼物！」今晚捧轩仔场的嘉宾包括泳儿、杨天宇、吴浩康、艾妮、刘若宝，郭思，朱天，杨政龙及许佩斯。

 

呢位歌迷个灯牌引起张敬轩注意。

 

个灯牌上面有张敬轩扮MIRROR造型的照片。

 

张敬轩送咗2张尾场山顶位门票畀呢位拎纸灯牌嚟嘅歌迷。

 

更多第5波疫情资讯，请到以下专页浏览按此

立即下载 | 全新《星岛头条》APP : https://bit.ly/3yLrgYZ