乘风破浪3丨胡杏儿大仔等阿妈Facetime 呻爆:等咗你好耐

2022-05-23 23:30
Brendan真系好识冧阿妈。
Brendan真系好识冧阿妈。

胡杏儿近年积极参与内地真人骚,演得、唱得又有综艺感,好受内地网民欢迎。近日她连同Twins及薛凯琪等人拍摄《乘风破浪3》,之前陀住细仔参加《演员请就位》第二季大获好评,给人为母则强的感觉,加上在《乘》中与其他姐姐主动聊天,见前少女时代成员Jessica(郑秀妍)唔识中文都主动做英文翻译,亦获内地网民大赞性格好。

 

胡杏儿近日连同Twins及薛凯琪等人拍摄《乘风破浪3》。
胡杏儿近日连同Twins及薛凯琪等人拍摄《乘风破浪3》。

 

《乘》昨日(22日)将花絮上载YouTube,录影咗成日,胡杏儿同Twins、王心凌一返到宿舍就即开餐。身为三子之母的杏儿,出远门工作都不忘要同儿子们Facetime,4岁大仔李奕霆(Brendan)一见到妈妈就呻:「我等咗你好耐啦!」看来是捱眼瞓等同妈妈Facetime,真系阴公猪嘞!王心凌同阿Sa(蔡卓妍)听到Brendan撒娇,除咗戥Brendan惨仲觉得佢好可爱,杏儿听到Brendan投诉都好心痛:「等我好耐呀?Sorry!」于是介绍Twins同王心凌畀Brendan识,「我介绍啲好靓嘅姐姐畀你识。」不过Brendan似乎兴趣不大,睇嚟佢只系想见到妈妈咋!不过都好畀面阿妈,同晒啲姐姐打招呼,杏儿都松口气:「算你啦,冇丢我架!」而2岁二仔李奕霖(Ryan)都大叫「妈妈」,睇嚟真系好挂住阿妈。

 

一返到宿舍就要同三个仔Facetime。
一返到宿舍就要同三个仔Facetime。

 

阿Sa同王心凌见到杏儿同囝囝Facetime都一脸羡慕。
阿Sa同王心凌见到杏儿同囝囝Facetime都一脸羡慕。

 

王心凌都觉得Brendan好可爱。
王心凌都觉得Brendan好可爱。

 

杏儿介绍Brendan识3位靓姐姐。
杏儿介绍Brendan识3位靓姐姐。

 

Brendan有礼貌向阿Sa打招呼。
Brendan有礼貌向阿Sa打招呼。

 

介绍埋王心凌同阿娇。
介绍埋王心凌同阿娇。

 

Brendan更跟妈妈分享日常事,讲到收线仲好唔舍得,「我好想你返嚟!我好想见你。」杏儿都笑说:「你真系识讲嘢!呢啲台词你冇漏到呀你!」阿Sa听见都笑埋一份,杏儿同Brendan最后才依依不舍地说Bye Bye。

 

倾到唔舍得收线。
倾到唔舍得收线。

 

Brendan狂撒娇话想妈妈返屋企。
Brendan狂撒娇话想妈妈返屋企。

 

胡杏儿与老公李乘德育有三子。
胡杏儿与老公李乘德育有三子。

 

 

更多最新疫情资讯,请到以下专页浏览 按此

立即下载 | 全新《星岛头条》APP : https://bit.ly/3yLrgYZ 

關鍵字

最新回应

關鍵字

相關新聞

热门文章