群星母亲节丨古巨基囝囝玩嘢讲Happy Birthday 陈家乐被阿嫲嫌弃

寻日母亲节，一碌IG群星都系贺母亲节Po，有温馨有感动亦有啲好好笑。

古巨基叫两岁囝囝古晋匡(Kuson)讲Happy Mothers Day，但Kuson就唔多听老窦话，系咁又跳又笑讲Happy Birthday，就算老窦叫几多次都唔听，两公婆对囝囝表现觉得好可爱，系咁狂笑。基仔留言，「我尽咗力喇～祝每一位伟大嘅母亲，母亲节Happy Birthday ❤️🤡」佢仲hashtag强调囝囝一早已同妈妈讲Happy Mothers Day，又话佢唔肯对镜头讲系因为「可能佢想搞笑啦」仲赞囝囝日常真系好多顶瘾嘢。

Kuson完全系迷你版古巨基。

系咁讲Happy Birthday。

睇吓古太笑得几开心。

同嫲嫲关系好好嘅陈家乐，一有时间就会见面，家乐IG亦不时见到两嫲孙嘅互动，都几好笑㗎。母亲节当然关嫲嫲事，家乐同嫲嫲去酒楼食饭，仲送埋花，嫲嫲话锺意紥花，但家乐叫佢锡锡，嫲嫲只轻轻用面哄一哄个孙块面，搞到家乐轻微诈型，「佢以前一定会锡我！！而家嫌我污糟😭😭😭」

陈家乐送花畀嫲嫲。

嫲嫲只系用面哄一哄个孙。

虽然诈型但陈家乐都好好笑容。

另外，有三个仔嘅梁洛施出海庆祝母亲节，更获囝囝送上靓花及蛋糕。而丁子朗及霍汶希都因为疫情未能跟妈妈庆祝只能贴旧相祝母亲节快乐。
 

梁洛施出海庆祝。

收到花。

又收到蛋糕。

啲花好靓。

丁子朗话因为疫情同妈妈三年冇见。

Mani都系因为疫情，今年冇得同妈妈庆祝。

冯德伦同妈妈。

 

更多新冠疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ