Frankie偷影妈妈祝母亲节快乐 Stanley分享「嬲爆」童年照

MIRROR成员陈瑞辉（Frankie）趁今日母亲节，于IG限时动态分享陈妈妈的照片，陈妈妈手上拿着名牌袋，相信是Frankie送的母亲节礼物，完全冇注意镜头，睇嚟系想偷影陈妈妈收礼物一刻的反应。而Frankie都好识做，帮陈妈妈个样打返格，「保护返妈妈个素颜先，Haha！」虽然打晒格睇唔到陈妈妈个笑容，不过有个孝顺仔，一定好开心啦！

 

Frankie趁母亲节，向陈妈妈表爱意。

 

陈妈妈有名牌袋做母亲节礼物。

 

而另一位镜仔邱士缙（Stanley），亦于IG限时动态分享童年与妈妈的合照，表示：「今日系我嘅龙母诞，祝天下母亲，母亲节快乐！」相中的邱妈妈笑得好开心，不过Stanley个样就好似嬲爆爆咁，又冇笑容，唔知当下发生咩事令佢嬲爆爆呢？

 

Stanley呢张母子合照，影到佢个样好似嬲爆爆咁。

 

Stanley祝天下母亲快乐。

Edan（吕爵安）近日都忙于工作，又出新歌嚟紧又要同毛舜筠拍新电影，不过他亦没有忘记母亲节大日子。于IG限时动态分享主演电影《阖家辣》的花絮影片，他于片中狂对饰演他妈妈的梁咏琪（Gigi）说：「I love mommy.」Gigi都冧到爆呀！希望吕妈妈睇到唔好呷醋啦！

 

Gigi好冧，希望吕妈妈睇到唔好呷醋啦！

 

AL亦分享与妈妈的合照，祝「教母」母亲节快乐。

 

更多新冠疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ