AGA红馆梦碎视为塞翁失马时间变多可以专注陪家人

2022-05-09 11:00

江海迦（AGA）日前作客TVB娱乐新闻台节目《StarTalk》，接受主播许文轩（Edmond）访问，大谈多度延期红馆个唱，最终却要取消的感受，她坦言的确好无奈：「其实而家自己个心态练得好好，的确好无奈，好似有又要再等嘅感觉。之前歌迷好好为自己集气，成个团队嘅热诚令我好感动，所以之前未到最后一刻仍然坚持做彩排。」

AGA接受主播许文轩访问。

问到当时有传情绪出现问题，AGA说：「我自己好OK，其实一早同公司拎咗大假，谂住开完演唱会之后可以陪屋企人，因为本身爹哋妈咪喺澳洲返嚟睇我演唱会。我觉得今次系塞翁失马，因为我真系两年冇见过佢哋，我系一个工作狂，之前错过好多时间，又牺牲同家人嘅时间，今次要好好珍惜，所以同公司讲暂停宣传工作，想Focus喺家人多啲！所以之前嘅假期，我真系做返个女，过慢活生活，可以同父母饮咖啡坐一个下昼都好开心。」

AGA谈到明年是出道十年：「我谂最有成功感嘅地方，就系冇放弃。」她指出道至今自己写歌都有压力，因为可能会遇到樽颈，不过她自觉好好彩，灵感不绝。