陈嘉宝回忆陀第三胎时胎位不正 一度心情沮丧
2022-05-05 10:00 
母亲节将至，身为三女之母的陈嘉宝（Anjaylia）早前一家到北角玩滚轴溜冰预早庆祝。这个母亲节，Anjay将忙于带着三个囡囡Hosanna、Eliana与细女Azaliah跟嫲嫲、婆婆三代同堂温馨度过。
Anjay与丈夫黄颂祈（Epaphras）三年抱三，被Anjay视为「神队友」的Epaphras十分照顾家庭，Anjay说：「其实我好幸福，有乜嘢事老公真系落手落脚去做，畀足时间我休息，要照顾一大三细嗰个系我老公，哈哈！」
怀胎十月，母亲所经历有甜，也有苦，原来Anjay在怀第三胎女儿Azaliah、临盆在即的时候，曾遇到胎位不正，要住院近两星期，当时她忧心胎中的Azaliah，同时惦念着家中的两位小宝贝，令她一度感到沮丧。
BB在肚中不停转身
Anjay说：「其实陀头两个女嘅时候都好顺利，都冇呕、冇抽筋呢啲状况，到第三胎，起初都冇嘢，但系到第八个月时发现有胎位不正嘅情况，本身七、八个月嘅时候BB个头已经向下、系一个适合生产嘅位置，但系到八、九个月嘅时候，BB喺肚入面180度咁转，个头转返上去不特止，成个BB打横喺个肚度，医生话有危险，因为一穿水，BB有可能踢到脐带就会好危险，如果系咁就需要紧急开刀，所以医生就建议即刻入院观察，入到医院医生有两个建议，一系人手转胎位、一系就等到38周后开刀……」
Anjay续说：「正常来讲肚入面唔会有咁多位可以转，加上BB已经6磅几差不多7磅，但系好神奇，佢可以每日都喺度转，去到39周，本来都谂过要开刀，不过我最希望都系可以顺产，当喺医院同屋企两个BB视像时佢哋喺度喊，我哋都好挂住大家，真系好肉赤。去到39周，BB终于冇乜再转嘅时候，医生就话时机成熟，帮我做人手转头，之后BB都好乖冇再转嚟转去，我就返咗屋企待产。」
Anjay其间都有担心BB会在她平趟时转身，所以就用枕头垫住好似坐喺度咁瞓，最后过咗41周就顺产，成个过程都好担心，但经历过呢样嘢后，母亲节她最大愿望就只系小朋友健康开心。
更多新冠疫情资讯，请到以下专页浏览按此
立即下载 | 全新《星岛头条》APP : https://bit.ly/3yLrgYZ
最新回应