张敬轩首次执导手机电影受镜仔海报启发出「前夫的爱」

2022-05-04 23:30

近日，张敬轩受手机品牌邀请出任导演，以全手机拍摄手机电影《前夫的爱》。处男执导，向来高要求的轩仔坦言相当紧张，特别在片场时，「因为喺拍摄现场，全部crew嘅工作人员都突然间改口叫我做『导演』，所以每次听到我都觉得好大压力，不过亦都因为呢个压力，驱使我有个动力，希望做得更加好。」

张敬轩受手机品牌邀请出任导演，拍摄手机电影《前夫的爱》。

现场个个工作人员都改口叫张敬轩做导演。

剧本方面，编剧陈咏燊（Sunny）预备了四个剧本，二人商讨后，决定选用现在的故事，轩仔亦表示最喜欢这个剧本，他更分享亲身经历，「虽然呢个只是虚构嘅故事，但实情喺我身边系真有其事。曾经有位男友人问我，可唔可以帮佢拎到MIRROR嘅海报，仲话系不惜任何代价，佢话好想送畀佢太太做礼物𠱁佢开心，所以呢个男仔成个过程系排除万难，用尽各种可行方法，只系希望拎到张海报令佢心爱嘅人一笑。我喺成个过程入面见到好有爱，所以好想将佢拍成电影，向呢班『前夫』致敬。」一向谂头多多的轩仔对于上年出现的各个社交群组例如「前夫关注组」等，一直有深刻感受，觉得这份情十分难得罕有。

有Sunny（左）为剧本把关。

张敬轩友人曾有求于他，想拎MIRROR海报𠱁老婆。

呢张海报好熟口面，望真啲，其实系12个张敬轩呀！

如果另一半系镜粉，就知「前夫」唔易做。

问到故事中最喜欢的部份，轩仔谓：「我会选一开始饰演『换灯箱职员』嘅陈湛文，去到最后有一个反高潮嘅铺排。」不过轩仔亦温馨提示大家：「故仔系纯属虚构，偷嘢系唔啱㗎。」

陈湛文饰演换灯箱海报的职员。

最后在制作过程中，轩仔表示最困难是经验不足，「唔好话经验少，系直头冇呢方面嘅经验呀！哈哈。」所以轩仔亦十分感谢团队的帮忙，「无论系监制编剧嘅Sunny Chan，定系美指嘅张蚊，定系整个团队，不能一一尽录，有佢哋嘅帮手、参与，先成就到呢件事。」同时亦令轩仔有另一番的体会，「因为之前一直系从艺人或者演员嘅角度出发去工作或者去睇一件事，但当调番转头，从一个幕后、一个导演去睇番出嚟，又系另一回事。」