蒙嘉慧日本开工好风骚撩网民玩估食乜估中真系有奖

2022-04-29 11:00

2020年，近年久未现身幕前的蒙嘉慧投资7位数，于福冈成立房地产公司「八方不动产株式会社」。据悉，该公司以广东话沟通，为有意于当地投资或置业的香港人服务。

为了在日本发展，郑太之前更投考日本语能力试，可惜一半题目都答唔中仲畀同事笑。可能见近日疫情缓和，郑太已飞返当地开工。本周三（27日），佢喺FB自爆唔太熟路：「终于要返工，但返自己公司要求google大神系乜嘢玩法……#我唔入会计部㗎#真系好锺意返工」。有网民亦留言问佢会唔会请地产经纪，她亦有回覆：「请㗎！」

返工唔识路要求救Google Map。

蒙嘉慧努力发展地产事业。

上个月，郑伊健去咗台湾拍摄悬疑推理剧《百万人的推理》，而郑太就喺日本好风骚，食嘢都要出PO问网友，「估吓我食乜嘢早午餐，估中可能有奖。」有网友估中系冲绳饭团，郑太好开心，仲叫网友留地址会送上礼物，得奖者话喺香港，郑太都照送。亦有网友留言话好想去日本，不过无打疫苗唔入得境，郑太又即回覆，「入得，隔离七日，但而家只可以系商业原因或学生可以入嚟。」一直同老公郑伊健低调生活嘅蒙嘉慧呢期好活跃喎！