独家丨陈晓华忙到同阿妈关系疏离 强调同方力申只系朋友

TVB剧集《食脑丧B》中陈晓华(Hera)戏份唔多，但演「麻甩女神」角色相当养眼。由于剧集是两年多前的存货，Hera睇预告听到自己把声走音觉得好古怪，惟有自我安慰：「期待睇到自己可爱嘅一面！」追问她可有请教绯闻男友方力申意见时？她即说：「我哋唔系时常联络㗎，希望佢快啲搵到真命天女。」采访：方骞平 摄影：沈健程

陈晓华唔认系上位小花，强调只系𠵱家演出机会比以前多。

陈晓华话《食脑丧B》见她「可爱一面」。

《食脑丧B》系陈晓华的第二套剧集，当时完全唔知演戏系乜，就算监制讲解完都拿捏唔到，做唔到佢嘅要求：「所以演出时真系唔知点算好，讲对白时心跳到180，完全控制唔到嗰份紧张心情，哈！希望观众接受到我『可爱一面』，好彩Keep住有剧拍，应该会见到我有进步，对我会有改观。」

剧中陈晓华角色比较豪迈，同现实中相似。

剧中有清纯学生妹Look。

监制大声教戏唔尴尬

正受力捧的Hera播出处女剧《迷网》时被观众狂轰演技，直至戏份较重的《异搜店》得到监制等前辈提点：「系人都听到，反而嗰时唔系好大压力，因为想做好啲，要认真听大家畀我嘅意见，好记得有位同剧演员话『日日都听到监制咁重语气都唔喊喎！』我话系呀，因为真心想改善演技。不过，有次都怪自己达唔到要求好失望，曾消极咁爆喊一晚，一度有做返护士老本行嘅念头，但瞓醒又冇事，𠵱家好enjoy拍剧。」

处女剧《迷网》曾被闹「戏屎」，令她决心要改进。

陈晓华拍《异搜店》时，好拍档何广沛有指导她演技。

问到可有问方力申意见？Hera反问：「点解问佢？真系冇呀！我会问返同剧演员。」对于突然同小方传绯闻，Hera一头雾水：「我哋以前合作过系朋友，但唔系常联络，我𠵱家由朝到晚拍剧，花好多时间做准备功夫冇时间拍拖，𠵱家我同妈咪关系都变得好疏离喇！绯闻唔系真㗎，我都想佢快啲搵到真命天女。」

陈晓华同方力申曾合作，强调唔系拍拖。

有指陈晓华获方力申送狗公仔力追，网友又留言迫方力申认爱。

 

陈晓华样子清纯甜美，加埋高高瘦瘦都几养眼。

更多第5波疫情资讯，请到以下专页浏览（按此）
立即下载 | 全新《星岛头条》APP : https://bit.ly/3yLrgYZ