独家丨陈滢怕跟同事有感情瓜葛难得跟黄宗泽唔「过电」

2022-03-27 21:30

陈滢（Jeannie）最近在剧集《飞虎 3壮志英雄》首度饰演Madam角色，除了学揸真枪难，拍牀戏一样是挑战，好彩有经验丰富的黄宗泽傍住，而向来易惹绯闻的Jeannie，亦难得跟黄宗泽（Bosco）唔「过电」，不过她坦承不似角色会跟同事有感情瓜葛，而且她已怕了再传绯闻，因真心喜爱演艺工作，只想大家将焦点放回她演出。

采访：杜杜

首次开真枪的Jeannie，斋掹制都觉得有难度。

剧中Jeannie跟同事Bosco，大搞一夜情后挞着。

Jeannie跟Bosco 首度合作即演情侣，她大赞拍档似哥哥般照顾她，「我唔熟识嘅佢就会帮我同教我，譬如开枪戏佢会教我戴定肉色耳塞咁就唔会睇到，又会安全啲保护对耳。」至于两人的牀戏Bosco 同样有教路，「嗰场系讲我好冇所谓，但系佢反而有少少尴尴尬尬，点知拍出嚟个效果反而系我尴尬，佢冇所谓咁，所以调整咗一阵。」

网民对被何国荣摸股一幕反应大，亲身上阵Jeannie笑话当时跟角色一样只想快点完。

愈大愈介意绯闻

向来似绯闻摄石的Jeannie，今次跟Bosco 竟然完全绝缘，「我哋好似兄弟，唯独我哋做Live我锡佢个纸牌畀人话过，哈哈！佢成日话我唔似女仔，完全唔系佢锺意个Type。」不过她承认不似角色会搭上同事，「我就唔接受同同事有呢种感情瓜葛，我要拣男朋友最好唔好系同事，万一有啲咩事嘅话，之后见返会好尴尬，都会引起好多是非，无论我以前做喺Office做，或者入行后都系。」

Jeannie估不到跟Bosco开Live，竟爆出跟罗天宇绯闻。

1月开始休息的Jeannie，日日陪爱犬玩。

不过最搞笑Jeannie跟Bosco 冇挞着，竟被对方在直播爆出罗天宇暗恋她，Jeannie强调是场误会，「我之后都有同天宇讲，唔好意思一个Live会有咁嘅报导出咗嚟，其实Bosco 系讲『天宇个角色喺戏入面系咪锺意Madam嘅呢』，都唔知点解会变到咁样。」她承认人愈大愈介意有绯闻，「我愈大个就真系觉得讨厌，细个就是但啦！𠵱家唔会想人再用呢啲标题，讲自己任何嘢，的而且确呢几年我真系好努力去做我嘅工作，讲真我要嫁或者搵个有钱嘅对象，我觉得唔难罗！但系我冇做到，因为我唔系咁样，我要唔做嘢都唔难嘅，但我选择呢条路继续工作，系因为我真系锺意，所以唔想再有呢啲绯闻。」