谷德昭大赞同ERROR做访问好Chur好过瘾

由导演谷德昭主持的ViuTV节目《爆谷一周》，前晚（2日）就搵咗ERROR做嘉宾，四子继续发挥搞笑本色，互爆趣事之馀，又被谷导追问他们最Like嘅AV女优，事后有员工爆呢Part剪咗好多，因为内容唔出得街，所以好多网民跪求可唔可以喺网上出一刀不剪嘅原片。

而谷导噚晚喺社交网贴文同合照，大赞同四子访问好开心，又用唔同嘅跑车形容佢哋，「四位的喜感能量有如四台巨大马力Engine，我踩一吓油，四部车紧贴推泵把，大家热身后，就唔分主客，你去一段，佢又Chur一段，五部车一齐飘移入弯，十分过瘾！」

肥仔似保时捷？大家同唔同意！

193脚长最适合揸林宝坚尼。

赞肥仔沉稳内敛

谷导赞肥仔沉稳内敛，剑锋不露，「保时捷四门双涡轮增压系佢。」至于
193，谷导就话：「双腿五尺咁长，最适合著条短裤唔著袜，打开林宝坚尼大牛嘅海鸥翼车门，伸出毛茸茸嘅长腿，踏著 Loafer 一步就潚洒跨出车，将匙抛给代客泊车，然后戴上黑超嘴角一牵就行咗去。
（*题外话：真系见过一个成筒山揸饼咁嘅大肚腩短脚中佬爬出架林宝，好肉酸，脚唔够长一步落唔到车真系唔好揸。）」

​ 谷导笑Dee哥锺意齐色齐码买买买，最适合法拉利。 ​

 

保锜嘈嘈闭似足马莎拉蒂Engine声。

期望同ERROR搞啲嘢

「而Dee哥锺意齐色齐码买买买，最适合法拉利，架架齐色齐款红黄黑白，都系嗰句容易衬衫吖嘛。保锜兄胜在够嘈，嘈得嚟有料所以吹佢唔涨当然亦唔打算吹佢。快吞轰正是马莎拉蒂的独有Engine声，平时斯斯文文，但你焫著我，你唔好彩嘞。」

谷导仲话睇留言今集好多观众同屋企人一路食饭一齐睇，好多阿妈睇得好开心，有个仲喷饭𠻹，好感动！所以好希望同ERROR搞啲嘢，目的都系四个大字—娱乐大家。

谷德昭希望与ERROR将来有合作机会。

更多第5波疫情资讯，请到以下专页浏览按此  

立即下载 | 全新《星岛头条》APP: https://bit.ly/3yLrgYZ