格林美奖丨防弹V主动走近天后Gaga求合照约Jon Batiste食饭教韩文

2022-04-05 19:00

昨日在格林美奖大热赢得年度新人等3奖的美国歌手Olivia Rodrigo，在颁奖礼后捧3奖影相，却虾碌弄跌一个奖，奖座即解体成两截，她只能张大口作出反应；12年前的天后Taylor Swift亦经历相同的事。Olivia在昨日表演中跟防弹少年团(BTS)成员金泰亨(V仔)表演咬耳仔，他亦成功冧爆天后Lady Gaga，获Gaga锡面送抱及面贴面打招呼兼合照。

BTS齐人出席格林美奖。

Olivia在后台弄跌一个奖座，奖座即断成两截。

Olivia昨在格林美赢年度新人等3奖。

V同Olivia喺台下好好倾。

咬耳仔。

ARMY（BTS Fans称呼）都知道Lady GaGa是V仔的偶像，有在格林美现场的观众就拍摄到颁奖礼后，V仔由工作人员陪同快步走向GaGa面前，有靓仔兼超级红星埋身恭敬弯身打招呼，GaGa都好受宠若惊即刻起身，见V仔系咁摸住心口同偶像讲嘢，讲咗几句V仔即揽实GaGa，然后V仔将手提电话递给工作人员帮忙拍照，影完相GaGa即摸V仔面猪又搭住对方膊头疑似作出鼓励，只见V仔笑住满足离开，国际巨星追星行动历时1分钟。

V仔急步行。

弯身同偶像打招呼。

V仔摸住心口自我介绍。

揽揽偶像先。

Lady GaGa搭住V仔膊头。

合照咯。

V仔笑住走。

V仔寻晚都有出合照PO，但之后Delete咗。

V除了跟Olivia咬耳仔外，亦冧掂Gaga。

V跟Gaga面贴面。

颁奖礼后，BTS惯性开LIVE讲感想，七子坦言连续两年失落最佳流行组合奖好失望，又提到表演前得一日彩排，彩排时亦冇提供音乐，好彩唱片公司有预备蓝芽喇叭。另外V仔亦提到佢系GaGa忠实Fans，主动打招呼及合照非常紧张，队友都笑住赞佢好勇敢。

七子开Live讲感受，V仔亦有透露同Lady GaGa讲乜。

而V仔除咗跟格林美大赢家兼年度专辑得主，爵士歌手Jon Batiste合照外，昨晚亦相约对方食Dinner，V仔出Po留言话「好好食」，而Jon Batiste除转发V仔Po外，亦上载V仔教佢讲韩文嘅片段，V仔教佢讲三组字，分别系见到面、好开心同埋我食饱嘞，讲完两个人齐齐大笑，V仔交到新朋友话唔定两人好快有机会合作。

此外，格林美奖直播收视出炉，有893万观众收看，只较去年史上最低收视高约13万观众。