何雁诗为腹中囝囝戒饮酒玩手机郑俊弘计划为BB开投资户口

2022-02-21 19:30

郑俊弘（Fred）及何雁诗日前接受TVB娱乐新闻台节目《StarTalk》主播许文轩访问，大谈将为人父母感受，其中Fred笑言做爸爸一击即中：「估唔到自己咁劲！我都吓亲自己！啲人话冇咁容易，我啲朋友同家姐都试咗好几年时间先有。」何雁诗表示怀孕初期反应大：「头三个月腰痛、周身痛，有时仲会无啦啦喊，自己好似拍MV咁望住个窗喊，情绪起伏大，Fred睇好多书，尝试去了解我经历啲乜，慢慢冷静听我讲，依家呢个阶段比较舒服，净系觉得自己好肥！」身旁的Fred立即示意：「完全唔肥！一啲都唔肥！」

两人日前接受许文轩主持的《StarTalk》访问。

之前已宣布腹中bb是囝囝。

二人又直言为BB有所改变，何雁诗说：「我本身锺意Social同饮返几杯，但系为咗BB我决定戒酒，一个饮酒一个食烟完全唔可以，烟就一早戒咗，而当我一知道有BB就已经戒酒。我仲想戒睇电视同玩手机，我同Fred太锺意留喺屋企睇电视，有时可以睇全日，好担心小朋友出咗世冇电视冇电话就唔食饭，所以我哋要以身作则。」而Fred希望为儿子开设投资户口，为他储钱以便将来用，果然未雨绸缪。