独家丨JW事业心重仲未想嫁被胞姐凑B辛苦样吓怕

2022-04-04 07:00

JW（王灏儿）相隔两年推出派台歌《纳斯卡线》，首度跟Wyman和Howie@Dear Jane合作令她好兴奋，最神奇她跟Wyman一段有趣缘份。新歌讲暗恋，但现实她与卓悦太子爷男友叶韦彤（Tarzan），拍拖5年依然甜蜜，她却事业心重仲未想嫁，看到胞姐凑BB辛苦，更清楚未准备好做妈咪。

采访：杜淑霞摄影：沈健程

发型：Hin Wan @iialchemy

服装：Harvey Nichols HK

场地：Pier 1929

讲到工作目标，除了唱歌和演戏，JW最恨尝试为卡通配音。

JW形容跟Wyman和Howie合作是梦想团队，而Wyman早前更在社交平台透露跟她的渊源，讲起这事她也觉得有趣，「好多年前我仲喺英国读紧书时，我喺车入面见到Wyman喺街度行，就好似fashion week啲明星咁，我唔记得打咗畀公司同事讲咗啲乜，嗰次见到佢真人后，一路冇机会合作。」

《纳斯卡线》后，JW已计划好今年推出更多不同类型歌曲。

JW承认上过戏剧班加上拍剧，令演技有提升，拍MV更顺利。

原来Wyman把这次缘份一直放在心，今次有机会合作便一口答应。Wyman将「纳斯卡线」近睇不发现，远望才清晰的特点，成功跟暗恋故事拉上关系，令大学主修地埋的JW也叹为观止。

Wyman在社交平台分享，跟JW这次合作的契机。

男友好支持工作

新歌大谈惨情暗恋，JW私底下却是另一回事，跟Tarzan早已认定对方，男友亦很支持他工作，31岁的她完全不急嫁人，「结婚我觉得会发生嘅，但系唔急，佢都好支持我，譬如佢知道我plan咗好多歌想出，想拍多啲剧咁样，𠵱家我嘅首要可能系工作先，况且𠵱家结婚都摆唔到酒啦！」

JW跟Tarzan拍拖5年以来，经常糖黐豆甜到漏。

JW间中有帮家姐凑外甥仔Amias，也感受到当中辛苦。

原来看到家姐兼顾事业与凑BB的困难，亦令JW更加了解自己心态，「我望住我家姐成个过程，原来我先发现我系未ready做妈咪，做咗姨姨先，原来做妈咪真系好辛苦，特别我家姐系一个working mom，边做嘢边睇住小朋友，就算有工人姐姐帮手，都系好辛苦。见到佢咁，我都系专心做咗嘢先，所有嘢唔急，趁后生做咗想做嘅嘢先。」