2R黄婉佩去纽约旅游冇戴口罩途人中间兴奋穿插影相

2022-03-01 20:30

39岁的前女子组合2R成员Race（黄婉佩）于16年与新加坡富商David Loh结婚，翌年诞下女儿Cara，21年3月再诞下儿子Dayton凑成好字。去年尾，Race一家去咗欧洲度圣诞及新年，佢同囡囡欧游途中确诊新冠肺炎，所以大部份时间都留喺靓靓木屋内。

Race一家去年尾欧游过圣诞及新年。

日前，Race又去咗美国纽约旅游，从Race影嘅夜景相可见，当地都已经冇人戴口罩，Race留言:「2年冇见过咁热闹嘅人群，2年冇见过冇戴口罩嘅人喺街上，实在好耳目一新。」化咗个靓妆嘅Race忍唔住喺人群中穿插拍片。

纽约街头好多人聚集，仲个个冇戴口罩。

Race忍唔住自拍。

之后，Race去咗纽约911国家纪念博物馆，佢透露2001年同家姐Rosanne亦去咗纽约旅游，9月11日朝早收到父母嘅无数来电，到佢瞓醒回电话时，父母问佢哋去边?安唔安全，当时佢仍未知咩事，一开电视睇新闻好惊讶。Race去到博物馆睇到好难过，因为睇到好多残骸，包括一辆被严重破坏的消防车，「所有第一批到达现场的消防员都失去了生命，一天之内，2997人丧生。我能理解为甚么那天早上父母无法联系我们时会惊慌失措，我参观过世界各地数以吨计的博物馆，但这是我唯一经历过的博物馆。」