独家丨锺雨璇恨有代表作入乐迷心 改名签公司重新出发

早前出席新城劲爆颁奖礼晕倒的锺雨璇（前名苏慧恩、Ophelia），现在身体已回复健康，看似好黑仔，但她认为自从改名后，反而有不少好机遇，由为美容院唱主题曲，继而成为代言人兼签约新公司，可以不用再自资出歌，有公司支持制作，未来她最希望能够有首代表作，能够打入乐迷心，留下深刻印象。采访：杜淑霞 摄影：沈健程

Ophelia认为改名后，事业确实比以前更顺利。

Ophelia未来会继续主力做电子音乐，跟不同DJ或者Rapper合作。

本名苏慧恩的Ophelia，去年底决定改名锺雨璇，因有感入行几年发展仍不如理想，「有个宣传人员同我讲，苏慧恩用咗好耐冇乜起色，不如改个新名重新出发啦！我搵咗帮屋企睇开风水嘅师傅改，中间有个雨字，因为我需要水，同埋我又需要金，师傅话不如改跟妈咪姓，锺系金字边。」不过原来早在入行前有想过不用本名，所以都觉得后悔改得太迟，至于连姓都改，似乎不太尊重家人，她就解释：「我问准晒爹哋妈咪，我跟妈咪姓，爹哋都觉得冇所谓，最紧要我开心，其实一直以嚟最开心就系有屋企支持自己。」

新歌《蜕变》Ophelia觉得曲风有点似诗歌，好有正能量。

《蜕变》MV，由Ophelia跟小女孩及巨型猫公仔合演。

遗憾冇参加《造星III》

Ophelia觉得发展不似预期，包括前年错失参加《全民造星III》机会，令她相当遗憾，「有啲后悔，应该系遗憾，嗰年畀已出道玩嘅《全民造星》我冇去到，当时有个大学同学推荐我入去玩，都好大机会入到围，但系我自己冇好好把握机会，我谂得太多冇去到面试，我好遗憾，有时谂返都会喊。」原来当时她刚推山新歌《潜伏与蒙蔽》，想先做好宣传因而错过机会。

MV中，Ophelia以多个造型亮相，包括运动Look。

Ophelia的爱猫白雪雪，亦有份拍摄MV。

改名后的Ophelia，已即时有新机会，因获演绎美容院主题曲《蜕变》机会，不但成为代言人，更得到公司签约支持做音乐，「我过五关斩六将Casting中咗，感觉好似返番细个玩《超级巨声》咁，中咗之后，佢仲搵咗我做美容院代言同埋嚟紧宠物保健食品嘅代言，最开心系公司话反正都会赞助一啲演唱会同做活动，不如成立间公司帮我出歌。」签约新公司的Ophelia，最期望有首代表作，「期望真系有首歌系有人识，唱嚟唱去都系唱畀屋企人或者朋友、fans听，好希望有首歌好多人听到都会知道系锺雨璇唱，想入屋啲有首代表作，心里面红歌唔红人都唔紧要，歌手有首歌真系好多人识，都会好开心。」

Ophelia在新城劲爆颁奖礼影大合照时，一度晕倒要被抬落台。

独立歌手时，Ophelia与Heartgrey曾合作歌曲《Save a Life》。

更多第5波疫情资讯，请到以下专页浏览按此https://bit.ly/3JqiBzz

立即下载 | 全新《星岛头条》APP :https://bit.ly/3yLrgYZ