王丹妮争最佳电影角色奖保持初心冯皓扬演苏桦伟开心获提名

2022-03-01 07:00

香港电影编剧家协会三年前增设「年度最佳电影角色奖」，表扬创作角色的编剧及演员，昨日（28日）该奖公布入围名单，经由全体编剧会会员提名五强角色，在同票之下，今年最终有八个角色获得提名，结果将于4月初公布。其中《梅艳芳》的王丹妮及《妈妈的神奇小子》的冯皓扬对有份入围，感到鼓舞。

「年度最佳电影角色奖」入围名单。

在《梅艳芳》中饰演梅艳芳（梅姐）的王丹妮，与饰演其童年的陈禛一同获提名，王丹妮开心表示：「首先衷心感谢香港电影编剧家协会畀呢个机会我，亦都非常感谢投票畀梅艳芳呢个角色嘅每一位，能够获得提名喺呢一刻我真系感觉到非常幸福同幸运，对于身为一个新演员真系一份莫大嘅鼓励，咁我会仍然保持初心，而且保持谦卑嘅态度继续学习同感受，向点样成为一位更好嘅演员，一步一步继续努力前进。」

王丹妮表示会保持谦卑的态度，继续学习做一个好演员。

陈禛也有入围。

至于《妈妈的神奇小子》饰演苏桦伟三个时期的梁仲恒、冯皓扬及蔡天诺也获提名，其中4岁的蔡天诺更是历届年纪最细的入围演员。冯皓扬得知消息后表示：「首先好开心入到香港电影编剧家协会『年度最佳电影角色奖』嘅入围名单，多谢大家锺意我少年苏桦伟呢个角色，嚟紧都会继续努力做好我嘅每一个角色，多谢大家。」梁仲恒则说：「好开心呀！可以提名到呢个最佳电影角色，首先第一个一定要多谢嘅系苏桦伟本人，呢个系佢嘅故事，多谢佢用自己嘅生命谱写出咁动人嘅故事，之后多谢导演尹志文，冇佢就冇呢个机会演呢部戏，另外要多谢另一位编剧卢文骏，多谢佢写咗一个咁好嘅角色，之后系少年版伟仔冯皓扬、同埋儿童版伟仔天诺，成就呢个角色系我哋3个人一齐努力，所以多谢佢哋陪我一齐行呢个旅程。」

冯皓扬感谢大家锺意其饰演少年苏桦伟的角色。

身兼《妈》片编剧的导演尹志文说：「好开心呢部戏里面嘅角色苏桦伟畀香港电影编剧家会提名『年度最佳电影角色』，由构思到电影面世差唔多都有10年，其实能够将苏桦伟嘅人生嘅成就同正能量，透过电影带畀观众，我自己已觉得好感恩，希望佢嘅故事可以鼓舞更多嘅观众，亦都好庆幸呢部戏遇上3位演绎唔同时期嘅苏桦伟嘅演员，佢哋3个嘅演出我觉得完全可以呈现苏桦伟真人嗰份真摰同热情，有时佢哋即使冇自己嘅戏份，佢哋都会留喺片场，去揣摩对方嘅演出一齐讨论，佢哋嗰份努力都系想做好一个角色，希望观众会继续支持呢班新一代嘅香港演员。」