独家丨秦沛全身黑行商场搵有领衫仔女轮住结婚自己行街

2022-02-28 00:30

秦沛(Paul哥)儿子、姜丽文哥哥姜文杰（Benji），趁住「全2特别日子」（2022年2月22号，正月22，星期二下午2:22分），在IG宣布婚讯，76岁的新老爷秦沛应该相当开心。日前下午，戴住黑帽黑口罩，着住黑衫黑裤加孭黑袋的Paul哥一支公去又一城行街，因为人流唔多，冇乜人发现Paul哥，佢行得好自在。采访:谭壹致

姜文杰与太太李泳淇。

新婚的姜文杰表示待疫情过后才计划摆酒，又透露签纸仪式只有双方的爸爸见证，对于爸爸有无喊，Benji指进行仪式时太专注望住老婆，「就算爸爸喊咗我都未必睇到」！而年初，已订婚的囡囡姜丽文在《万千星辉颁奖典礼2021》获得「飞跃进步女艺员」，当时佢喺台上讲入行74年嘅爸爸就算而家每次收到新剧本仍然会好兴奋，又激赞爸爸系一个专业又有热诚嘅好演员。

姜丽文在爸爸秦沛及哥哥姜文杰见证下夺得「飞跃进步女艺员」奖。

斋行冇收获
仔女大晒又有自己嘅家庭，秦沛可能唔想打搞啲仔女，日前下午就见到佢一支公去又一城行街，佢目标好明确，上咗几段自动电梯就直入H&M，见佢周围望，主力搵上身衫，搵咗一阵都搵唔到，有店员行过即捉住问，从Paul哥指住自己条颈可见佢示意想搵有领嘅衫，虽然店员有指示，但最后都睇唔啱。因为疫情关系，商场人流唔多，冇被发现嘅Paul哥行得好舒服。