Winka被问会唔会出Solo歌 称入COLLAR爱音乐心不减

由ViuTV《全民造星IV》一众参赛者中挑选组成的女团COLLAR，出道个半月，人气仍然好旺，广告接唔停。不过Fans更想知几时再有歌出，一向好Talk得嘅成员Winka（陈泳伽）日前在IG限时动态与Fans玩你问我答，有Fans见最近本港疫情严峻，称希望Winka讲两句鼓励吓香港人，仲强调真系讲两句就得嘞！以为讲嘢系Winka强项，唔会难到她，但她竟回答：「只有两句的话，太难了！我做不到。」原来是讲得太少难到她，真系好搞笑呀！其后她于另一条问题中，就表示：「要保重身体，如果喺屋企太闷，就听多啲我哋嘅歌！」

 

COLLAR已经出道个半月。

 

Winka喺IG同Fans玩你问我答。

 

叫Winka讲少啲原来好难。

 

COLLAR中最唱得的Winka，被Fans问及加入COLLAR后，会否出个人单曲？虽然现时她们才出道不够两个月，但不少Fans眼见她们的师兄MIRROR都有7位成员已单飞有个人作品，COLLAR的Fans好奇都好正常。Winka对于未来会否单飞，就表示：「即使入咗女团都唔会影响我对音乐本身嘅追求同热爱程度，如果有自己个人作品，我义不容辞。」唔知Winka未来如果单飞，会行咩路线呢？

 

被问及会唔会出Solo歌。

 

Winka弹得又唱得。

 

不过啱啱先出道，单飞言之尚早啦！

 

更多新冠疫情资讯请到以下专页浏览：（按此）

立即下载｜全新《星岛头条》APP：https://bit.ly/3yLrgYZ