独家丨林作激赞一万蚊消费券够实用 可畀家佣添置家居物资
2022-02-23 17:00 
林作都好欢迎政府派10000元消费券，他跟普罗大众一样咁开心：「有10000蚊梗系开心啦，呢10000蚊可以帮我哋解决未来几个月，我喺屋企食饭同买餸钱，因为喺屋企时间多咗，就算清洁剂、纸巾都会用多咗啦，所以啲钱系好好用，同埋有需要呀！我妈妈都喺北京打畀我，话寄八达通返嚟畀我claim钱，而妈妈都谂住留10000蚊畀工人姐姐做杂费。」
赞政府帮到手
高薪厚职月入40万的林作都好紧张呢啲消费券，他解释：「大家识理财就明白，除咗要增加收入仲要减少开支，呢啲钱系政府帮助我哋减少开支嘅，变相唔使畀咁多钱储备，买口罩唔系钱呀？疫情下政府喺衣食住行方面帮到我哋减少开支，当屋企够大使费相对都贵，𠵱家两母子夹埋两皮都几开心，呢啲咪叫有用，所以快啲畀。」
更多第5波疫情资讯，请到以下专页浏览（按此）
立即下载｜全新《星岛头条》APP：https://bit.ly/3yLrgYZ
最新回应