第5波疫情丨商台再有DJ确诊嘟姐拍档麻利中招唔敢出街做检测

2022-02-21 15:30

商台有连续有个案确诊新冠肺炎，早前《十八楼C座》三位主播金刚、朱雪梅、陈慕贤，以及《公子会》刘翁。今日商台DJ麻利（原名邓慧妍）亦在社交网宣布确诊Omicron，但未有透露几时染疫，而现在仍在家自我隔离及休息中，她有份主持的节目包括《Mali Mali Home》、《麻利有只小绵羊》，和跟郑裕玲（嘟姐）、余迪伟一齐主持的《口水多过浪花》。

麻利在Facebook分上下两集，细述病发经过、病情及自救方法，她写著：「我居然都中咗Omicron！濑咗嘢！（不过一街都系已经好平常了？）先声明一路唔讲系因为我真系瞓好多，冇嘢俾休息更重要，瞓到好似入咗时间舱咁，出返嚟个天已经有飞碟周围飞嗰种不分日夜同年代去瞓。」

麻利透露有发烧、喉咙痛、四肢无力等症状，写著：「讲返基础资料：🌻冇打过针🌻选择用中药🌻冇食过panadol🌻有调频TimeWaver🌻病徵算明显同好大幅度上落」，使用快速测试棒后见到两条线证实染疫，她说：「平时重感冒喉咙痛系火烧感觉，但Omicron嘅喉咙痛系你喉咙俾鎅刀𠝹伤咗咁痛，每吞一次口水就翻鎅一次。系刀伤锋利剧痛。」

麻利初步确诊新冠肺炎。

快速检测呈现阳性。

一直在家休息，瞓觉和食中药。

商台表示只要《口水多过浪花》之团队完成快速测试为阴性，已属安全。

对于连日被追问检测结果，麻利就带点激动：「我觉得大家唔好迷恋一个检测答案。有病嘅人要自己坦白面对身体有唔妥，而唔系望住一条线两条线嚟决定做乜......come on，医病系医个人唔系医两条线。不过仲有人够胆叫我出街检测。我喎！烧紧啦喎！行走中的Omicron啦喎！仲出街？自问冇力揸车，即系走去坐车？咁我点确保我冇传染俾人嘅危险？去到呢度我觉得呢个病赢系赢在个脑。输？输在冇人肯用下脑。但我知，好多公司要求员工有官方证明确诊先会唔扣假之类，搞到人人急住出街抵住病要排队检测，否则又话你旷工，呢啲公司、呢啲话事人，同香港一样！病到忽咗！醒未呀大家！」

商台回覆谓：「本台主持麻利亚初步确诊，最后上班日期为2月14日，工作期间均有佩戴口罩。为安全起见及专业医生意见，本台已经即时安排清洁和消毒有关工作地点，相关节目的同事，由事发起七天进行自我家居隔离，每天尽量进行快速检测，并且汇报检测结果给公司，以麻利亚最后上班日期起计七天，即2月20日，只要《口水多过浪花》之团队完成快速测试为阴性，已属安全，2月21日便可如常上班。」