85岁谢贤（四哥）同70岁狄波拉（拉姑）离婚26年，但再见亦是好朋友，堪称圈中离婚夫妇嘅模范。月前本报记者撞到佢哋现身主场即中环置地广场，约埋成班好朋友，包括拉姑老公江耀城（胡须Kong）及陈淑芬一家等一行十多名友人食Tea，鉴于疫情众人未能坐同一枱（当时仍未实行二人限聚），拉姑同陈淑芬就不时游走两枱，睇嚟疫情都影响唔到大家敍旧呀！采访：张咏森

 

胡须Kong同四哥好好倾。

 

同场仲有陈淑芬（左一）同家人。

 

四哥永不言休，一有新作都备受关注，去年上映由他主演的《杀出个黄昏》大获好评，日前夺得香港电影评论学会最佳男演员，更首获金像奖男主角提名同林家栋及吴镇宇争影帝。平时不用开工的四哥生活悠闲，本报去年在浅水湾遇到他，当时只得助手陪散步兼叹啡，行动冇以前咁灵活，需要出动拐杖辅助，上梯级更差啲跌亲。而呢日见四哥同拉姑用餐似乎比上次更精神，唔知系咪因为见到咁多老友在场呢？

 

四哥早前凭《杀出个黄昏》首度入围金像奖影帝。

 

四哥上年被本报捕获，但行入餐厅之际，心急得滞险跌倒。

四哥听话戒口

四哥同拉姑坐埋同一枱，其间四哥不时望向楼下中庭的圣诞树，周围有唔少细路奔跑，可能令四哥谂起啲孙呀！拉姑负责睇餐牌为四哥点餐，唔知四哥系咪想点佢要戒口嘅食物，拉姑都作状拍拍枱，似系唔俾四哥叫某啲嘢食，最后四哥惟有顺前妻意思点餐，即系叫人拣其实冇得拣咁啦！互动十分有趣。

 

拉姑叫四哥拣嘢食，不过最后都由拉姑话事，应该知道晒四哥有咩唔食得。

 

叫陈淑芬揸机，影返张合照先。

 

拉姑贴身照顾

本身四哥同拉姑倾得兴起，但老公胡须Kong一到，她即让座等老公同四哥吹水。二人一见面就打开话题，又各自指吓身上件靓衫。食到咁上下四哥先行离席，众好友与他影大合照，四哥每行一步，拉姑都睇实兼扶实，又帮对方戴好个口罩，锡多啖先讲拜拜。王力宏可能要问问四哥点解离婚可以咁愉快嘞。

 

四哥起身，拉姑即刻扶到实。

 

去门口影大合照。

 

拉姑帮四哥戴返好个口罩。

 

揽揽讲Bye Bye！

 

走先啦，系咁先啦，下次再Tea啦！

 

四哥1979年迎娶拉姑，可惜于1995年宣布离婚，但二人仍是好友。

 

四哥拉姑育有一仔一女：谢霆锋及谢婷婷。

 

拉姑同胡须Kong于2000年结婚，一直非常甜蜜。

 

更多第5波疫情资讯，请到以下专页浏览
按此  

立即下载 | 全新《星岛头条》APP : https://bit.ly/3yLrgYZ