七师傅教Eric Kwok着性感啲去见高层代环球与商台破冰

2022-02-19 17:30

Eric Kwok郭伟亮早前推出新歌《等埋你》，旋律优美甜美但歌词「死死声」，就连Eric本人都怕唱得多会影响运势，特意找七仙羽师傅指点迷津。Eric担心歌词中「是筹备同一婚礼或预备同一丧礼/以后都一齐化做两只鬼」不吉利，怕唱得多会突然心脏病发，师傅冷静答：「我唔担心你会死，睇你只耳都好长，冇咁快死嘅。」

《等埋你》MV画面是由Eric与老婆Grace叶佩雯游日片段组成，师傅一见到Grace就说：「咁后生嘅，够秤未呀？」提到老婆，Eric担心自己比老婆早死，剩下对方会很痛苦，师傅妙回：「你老婆咁靓一定有人要，会唔会帮佢提前搵定个男人先呀？退一步海阔天空嘛，搵定先可以了咗件心事嘛！」Eric再问：「怕成日唱唔吉利，可能本身80岁，一唱完下年就⋯⋯」，师傅一本正经说：「要同大家普及一下，生命嘅长短唔系在乎活咗几长时间，有啲人行尸走肉，拖拉到八、九十岁又有咩意思呢？你人生咁精采，留低咁多作品，又咁靓仔咩都见识过，咁先系有意义嘛！」

Eric怕新歌成日唱唔吉利，会死先过老婆。

Eric Kwok搵七师傅指点迷津。

谈完自身运程，Eric向师傅请教环球唱片何时会与商台破冰？七师傅笑说：「佢哋闹交梗系假㗎啦，私底下不知几friend，我都同佢哋食过饭。」她又指点Eric：「商台CEO好靓女，你要去擦佢鞋嘛！」Eric立即刻反问：「即系我代环球去破冰？」师傅再反问：「破冰啫有乜咁大不了？」

师傅继续教路，说：「你去佢屋企敲下门，着得性感啲，一丝不挂都冇问题，百无禁忌！你话『今日嚟帮你破啲嘢』，你帮佢破先，因为你依家要商台播你只歌嘛！最紧要目标清楚，擒贼先擒王！」她更说：「你入到去我保证商台一定播你啲歌，佢唔播我帮搞埋其他人，我会搞少爷占、再搞Donald，搞埋森美再搞小仪，入面啲DJ我逐个搞！」连番妙问妙答令Eric捧腹大笑。