七仙羽曾是选美冠军 同欣宜争做张敬轩下世老婆

七仙羽师傅（七师傅）近期人气急升，日前接受车淑梅主持的《旧日的足迹》访问，节目将于本周日（30日）播出。谈到可曾预测自己会爆红，她坦言十多年前从外国回港做玄学风水师，想以专业形象示人，但因为说话带有口音，故被指为「骑呢」。她续道：「我喺外国住得耐，比较真性情。讲真我无谂过自己咁红，日日谂住一定唔得，呢啲就好似中六合彩一样，顺其自然。」她自言搞笑都要转数快，背后付出好多努力，「我读过博士，其实我一直好想做作家、填词家。我都系 CASH 香港作曲家及作词家协会会员，但系当年只系做打手，用其他填词人嘅名，但好多作品都系非常流行，而且好红。」

七师傅笑言想为张敬轩作曲填词，但轩仔好叻，可以一手包办，所以自问没有机会了。她大赞轩仔有才华又勤力，更表示好喜欢对方，但对方是大明星，私下没有交往，避免有绯闻。她笑说：「我谂个个女人都好锺意佢，嗰次喺红馆佢应承我下一世搵我做老婆。下一世，不过唔知边一世......但系佢迟早都要做㗎，因为佛经里面讲只要你应承咗，发咗誓，有因一定有果，我无同佢讲，唔系因为费事吓亲佢，佢开心都嚟唔切啦！我冇讲畀佢听，因为佢系基督徒。不过我要同郑欣宜争佢，因为欣宜话张敬轩都应承咗佢喎！大件事，咁我就有排等！」

 

七仙羽接受车淑梅访问。

七仙羽曾邀轩仔上节目，仲同床好香艳。

 

有传言指七师傅曾参加亚洲小姐选举，她在节目中澄清自己只参加过英国唐人街小姐选举，并获得冠军。她说当年参选者不多，所以很容易得冠军。「嗰时我好后生，喺嗰度算系靓女，因为靓女比较少。我有健康嘅棕色皮肤，成日著低腰牛仔裤同埋好短嘅衫，长发及腰好性感，笑容又甜美，所以我喺外国人眼中系一个美人！」

七师傅曾因为有乡音，做节目时被人用粗口问候，但后来亦因此获得做广告代言人的机会，可算是因祸得福。她计划将「师傅爱你」这句招牌金句写成一首歌，亲自操刀填词，并自信此曲一定大受欢迎。

 

七仙羽曾经参加过英国唐人街小姐选举，并获得冠军。

七仙羽话好锺意轩仔，对方仲承诺下世娶佢。

 

立即下载 | 全新《星岛头条》APP : https://bit.ly/3yLrgYZ