独家丨「港姐十强」黄婉恩疑搲食tea出弹弓Po 林柏希叫好好做人

2022-01-16 16:30

前新城副台长林柏希（Will）离职后，近年转军饮食界做公关总监。今日凌晨在私人Facebook分享一位「港姐十强」疑不守信行为，写道：「正所谓一样米养百样人，当中一定有好嘅，亦都有啲古灵精怪嘅，今次交手嘅女仔，可以话用一个Tea Set 嘅价钱已经睇到佢嘅品行。」

文中讲述，有一日有个女仔于IG发讯息给他工作的餐厅，表示有兴趣去餐厅「试」Tea set。其后林柏希的同事查阅这个女仔的IG后，发现是某一届香港小姐选举的十强入围佳丽。他写道：「讲真，我完全唔知佢乜水，见佢都有三万几 followers，就谂住互惠互利啦。」而「试食」条件就是要在IG发一则帖文换，「唔系我朋友，亦唔系我邀请，公事公办在商言商，我提出我嘅要求，你做到就嚟，唔想嘅咪算罗，或者你可以俾钱帮衬我俾个折你都得，最重要大家开心，唔好任何一边蚀底。」随后就交由餐厅同事负责。

而这位「港姐十强」疑未如双方事前协定，只在IG Story（限时动态）贴出当天的相片，只有一张背面，更没有餐厅Tea set。他的同事见到后好心提醒当时的协定，对方没有回覆。但当晚终于在IG帖文上贴出了一张自己的大头照，不过Tea set的相片是完全模糊的，也有标记餐厅名字。翌日，餐厅同事想cap图做记录用作media clipping（媒体剪报）时，却发现了这名「港姐十强」静悄悄将该IG帖文下架。最后他也写道：「唔好再用呢啲招数去其他餐厅呃饮呃食啦。」

林柏希凌晨出Po闹「港姐十强」搲食Tea Set唔守信用，但冇开名。

「港姐十强」最初在IG Story贴背相，但未有食物相。

林柏希与多位艺人相熟。

李司棋与陈敏之。

Jeffrey

记者翻看近年「港姐十强」，疑似是2020年落选港姐黄婉恩（Yancy），她的IG内已post回当日的相片，《头条娱乐》今日向林柏希查询，他指自己是在私人Facebook出post，并不是想公审她，林柏希说：「佢inbox我哋搲话嚟试，我话ok，你出番wall post罗，第二日出咗个story，但冇Tea Set冇盛，又冇餐厅名。隔咗十日八日都冇post，同事问佢，佢就出番有样有Tea Set嘅，但第二日已经delete咗，我就觉得有冇搞错！但我系喺私人Facebook讲，唔系想公审佢，等呢行啲人警戒吓，呢个系你agree。你想我请你食，我叫你出个post，你觉得唔啱咪唔好嚟罗，报导出街后又放番出嚟。但之前系隐藏咗，唔系睇漏，我已cap咗本身隐藏咗嘅status，所以唔好拗。」

问是否黄婉恩？他说：「始终细路女，我都唔想开名搞大件事，总之以后好好地做人，好好地做事咪好罗。」