陈嘉宝报喜诞下第三位千金完成壮举宣布封肚

2022-01-16 12:30

陈嘉宝（Anjaylia）月初顺利生产再添一女，诞下第三位千金，母女平安；也是香港娱乐圈首位于2022年诞生的星B！Anjaylia的预产期本于去年年尾，但一如妈妈所愿，待Anjaylia欢度完圣诞及元旦BB才出世，结果「逾期居留」至本月初出世，BB出生时重7.2磅，并已取名为Azaliah。在诞下Azaliah一刻，Anjaylia感动极了，说：「好感动呀，尤其系医生将一出嚟嘅BB即刻摆喺我心口俾我抱咗好耐，之前两个女都冇畀我抱咁耐。啱啱上一刻明明喺个肚入面，突然之间就出咗嚟摆喺心口上面，感觉好神奇。」

Azaliah露出嘴仔好可爱。

揭盅系女嚟。

其实英文名字Azaliah的由来，是Anjaylia与丈夫黄颂祈（Epaphras）深思熟虑、从圣经中找出来的。Anjaylia说：「英文名『Azaliah』系喺圣经入面搵嘅，我知道实会俾人话我哋帮囡囡改嘅名都好难读，哈哈！其实呢个系一个传统，因为先生近五代都系基督徒，呢几代都系会喺圣经里面搵英文名，我哋都要跟返传统，其实都搵咗几个月，搞咗好耐，头两个女嘅名Hosanna同Eliana都系有意思嘅，Hosanna嘅意思系asking for God、Eliana嘅意思系God had answered，我想将呢个故事延续落去，Azaliah嘅意思系God has reserved，都有一系列有意思嘅，Azaliah同我个名读音都好似，就当系送畀自己嘅礼物。中文名就留返畀爷爷同嫲嫲改，中文名都系想向长辈致敬。」

两位姊姊第一眼看到妹妹Azaliah，各有不同反应，Anjaylia说：「佢哋好锺意BB。大女完全冇呷醋，自己会同我哋讲话『我好锺意Azaliah』；细女成日想摸佢，不过有少少呷醋，有阵时见我抱BB都会埋嚟叫我抱。」

三个够晒数。

年纪轻轻已为三女之母，Anjaylia也宣布封肚了！诞下三女后Anjaylia要好好坐月，保养好身体后才继续向自己梦想进发，为三个女儿做个好榜样。她说：「啱啱播紧我有份参与ViuTV嘅《IT狗》，等我坐月嘅时候可以睇吓剧轻松吓，好开心呀！依家好好调理好身体就有动力做自己想做嘅事。对于BB嘅期望，最紧要系佢哋都健健康康、开心平安，我同先生意向一致，生仔生女都冇所谓，我已经完成一个壮举，我同先生最大嘅目标系希望有三个小朋友、年纪近啲嘅，可以一齐成长系好开心嘅事，大女同二女一齐玩，大女会识得保护妹妹，二女学嘢都会学得好快，呢个策略成功！」

正所谓三个女人一个墟，估不到Epaphras最享受，Anjaylia说：「又多一个女围住，佢好唔得闲嘞，我冇乜事就出去先，佢搞掂晒！谂返起老公一知道系女嘅时候，就开咗支靓酒，仲请朋友食饭庆祝，依家生完三个，理想达到嘞！」Anjaylia与老公也保留传统，每个孩子总会订制一张被子给女儿作礼物，Azaliah同样拥有父母送给她的这份传统小心意，希望女儿平安健康就好！

老公享受又多个女围住。

此外，早前Anjaylia的一班好友为她举行gender reveal party，她笑说：「好开心！因为我超级懒，baby shower都唔想搞，亦唔想朋友破费，我只系希望可以同一班好close嘅朋友倾吓偈，食餐饭开心一吓，点知一班朋友就帮我安排好呢个party，最好笑系其实自己同老公、一班朋友一早已经知道BB性别，但大家为帮我一尝心愿，畀机会我笃波波（揭露BB性别的仪式），过一过瘾，真系好sweet。」