IT狗丨前财爷曾俊华惊喜现身撑创科赞Lokman演技好犀利

2022-01-15 18:30

前财爷曾俊华（John）粉墨登场，昨日在ViuTV剧集《IT狗》惊喜现身，与MIRROR队长杨乐文（Lokman）做对手戏，摆出手指心心，展现风趣一面。曾俊华今日在Facebook上载与Lokman合照，及当日拍摄情况，留言：「好开心可以参与今次嘅电视剧演出。多谢Bowtie同ViuTV促成今次合作。多谢《IT狗》剧组、曾经同我合作过同一齐逛纽约波士顿嘅导演Lawrence Kan、杨乐文、彭秀慧、Martin同我一齐演出呢一幕。Lokman嘅演技好犀利，大家不妨留意一下。」他指《IT狗》是原创喜剧，内容讲述IT人为求出路决定自己创业，希望观众看得开心之馀，亦要更留意社会上的创科发展。他续写著：「毕竟好嘅创意同科技可以为社会进步带嚟关键性嘅影响。希望香港可以继续孕育更多好嘅创意同科技，支持创科意念坚持，前行。」

曾俊华开心能参与《IT狗》的演出。

当日拍摄后的大合照。

《IT狗》导演Lawrence亦在IG上载与曾俊华合照，透露二人相识经过：「时间回到2018年，世界未有疫情，地球还未倒转，嗰次拍摄认识咗曾俊华John同佢太太Lynn。有幸可以跟住佢游历佢嘅大学MIT及Harvard，off camera嘅时候仲倾乜都得。John分享咗好多对香港创科嘅vision，以及香港创科嘅苦与乐。」Lawrence指在曾俊华身上学到很多，并感受到对方对香港创科嘅热诚，令他萌生开拍《IT狗》的念头。他说：「我话如果有一日真系可以拍得到，一定搵佢客串（唔知佢记唔记得）。到2020-2021年，嗰一个小念头终于萌芽，其实喺剧本嘅时候已经写咗曾俊华，当时有同事问『剧本嘅曾俊华？系真系曾俊华？』事隔几年，我都系冒昧message John, 结果依旧亲切嘅John一口答应。多谢Viu TV及Bowtie促成今次呢件事，成日都想好似外国Sit Com咁有呢一类嘅Cameo，呢一集对我来讲特别有意义。」