41岁谭俊彦（Shaun）喺今年TVB台庆颁奖礼成为双料视帝，凭台庆剧《换命真相》勇夺「最佳男主角」及「马来西亚最喜爱TVB男主角」。他在台上激动落泪向家人致谢，对太太任祉妍（Yann）表示：「你系我嘅全部，冇你我唔会拎到呢个奖，我爱你！」惹得全场欢呼，可见他的真心。去年12月底，本报记者在中环ifc遇到Shaun同太太行街，虽然全程连手都冇拖，但学Shaun话斋「姓谭嘅男人所有嘢都会摆心入面」，所以呢日他也只是默默等太太买嘢，肚饿都系去对面铺买三文治咋！真系廿四孝老公嘞！采访：张咏森

 

Shaun今年TVB台庆颁奖礼成为双料视帝。

 

得知成视帝一脸惊讶。

 

台上喊住多谢老婆。

 

台庆颁奖礼前Shaun接受访问曾表示恨攞奖，但不是为名利，而是为家庭，因为而家养细路好贵。性格务实可能系Yann睇中佢嘅原因，Yann其实系内地演员，2013年拍内地剧《冰酒窝》同Shaun擦出爱火，2015年奉女成婚，而家育有一仔一女，之后全家定居香港。Shaun由2003年开始就喺内地发展，但为咗更方便照顾家庭，2014年就回流香港，2017年仲入埋TVB做男一。年轻时一直被嘲靠爸爸狄龙，但今年凭努力夺视帝，终于洗脱靠父干说法。

 

Shaun同Yann于2013年拍剧集《冰酒窝》演情侣，戏外都擦出爱火。

 

Shaun凭台庆剧《换命真相》荣升视帝，实力备受肯定。

 

年轻时被指靠爸爸狄龙，而家成为视帝可以话系吐气扬眉。

 

望完价钱摆返低

努力工作都系为咗畀老婆仔女过更好嘅生活，作为一家之主都以身作则，Shaun入到服装店都有摸吓啲新款男装，不过睇完个价钱就摆返低，可能谂住平时忙拍剧一系返屋企都冇乜时间着，睇得出都几悭家亦好识谂。行完一轮都冇心水，就边倾电话，边等太太拣衫。

 

话晒有两个细路要养，Shaun睇啱款都睇埋价钱，价钱唔啱惟有摆返低。

 

台庆颁奖礼前Shaun曾表示恨攞奖，但不是为名利，而是为家庭。

 

等到饿买嘢医肚

女人行街一间铺都睇足半个钟，都差不多到食饭时间，Shaun似乎都有啲肚饿，不过佢完全冇催太太快手啲，反而走到对面铺买个日式三文治医肚就算，真系好有耐性呀！等埋太太畀钱就去攞车走人，呢种低调又务实嘅男人真系好吸引呀。

 

好有耐性等太太。

 

Yann喺同一间铺买衫拣足半粒钟，Shaun就去买三文治医肚。

 

之后齐齐去停车场攞车走人。

 

2003年开始喺内地发展，婚后先回流香港拍剧，方便照顾家庭。

 

2015年宣布奉女成婚！

 

Shaun不旦拍剧用心演，外型都有用心Keep，即使只系为《拳王》客串，都减咗26磅操肌。

 

之前被网民指同Gigi撞样《鱿鱼游戏》角色，食住个话题性令Shaun都多咗搵真银嘅机会。

立即下载 | 全新《星岛头条》APP : https://bit.ly/3yLrgYZ