星岛独家丨江嘉敏「变性」穿裙色诱周嘉洛饰非一般情侣超多肉搏镜头

2022-01-12 11:30

周嘉洛与江嘉敏在TVB新剧《四十二章经》中扮演情侣，早前两人与其他演员拍摄唱K外景戏，讲述个性男仔头、打扮中性的江嘉敏为了追求周嘉洛，刻意「变性」换上白色连身裙大展女人味，江嘉敏笑谓：「其实剧中我只会着两次裙同高踭鞋，呢场戏就系其中一次，因为要追周嘉洛，并且要用上『极端』方法吸引佢嘅注意，邝洁楹就教我吊高把声、嘟嘴讲『点解嘅』、『真系㗎』，点知全场人大笑，结果NG咗4至5次，仲有摄影师要用纸巾塞住耳仔话唔想听到我把声，可能换咗短髪大家真系睇唔惯。」

早前被指肥了不少的江嘉敏，穿上白色连身裙后见到她修身成功，她透露应监制要求在开剧前努力减肥，成功瘦了4至5公斤，不过早前身体状况欠佳加上天气寒冷，终一度支持不住晕倒，自此不敢再食减肥餐单，幸好瘦身后的身形获监制顺利「收货」。

日前一众演员开工拍摄唱K剧情。

邝洁楹的爆炸头十分抢镜。

剧中江嘉敏（右）主动追求周嘉洛。

现实中会否对娇嗲的女仔加分？周嘉洛笑谓：「要睇天时地利人和，男女之间嘅化学作用、互动以及其他因素。」另外，周嘉洛透露在剧中跟江嘉敏大玩「非一般」的情侣身体接触：「我哋嘅身体接触系互相打斗，或者系被单方面殴斗仲多，并且通常系我打佢，因我嘅角色有双重人格，晚上会变得好暴力，剧中佢为咗满足我，所以同我有啲『互动』。当然现实中我系唔会打女仔，不过平日跟江嘉敏玩都会『摏』佢两拳，因为她好『搂打』，但唔讨厌，纯粹好想打她，因佢有少少似现实版嘅『金城安』。」