独家丨莫家淦升呢玄学节目监制 C君畀机会开《世界转运攻略》

做了主持多时、近期拍剧为主的莫家淦，最近升呢做埋新派玄学节目《世界转运攻略 》监制，他坦言今次机会多得新上任的J2台创意总监C君。阿淦早前搞了个网上频道自编自导自拍自剪，他承认对做监制有一定帮助，而今次拍住一班年青主持及玄学家谢柳汝（Tasha），阿淦觉得指导他们多了另一份满足感。采访：杜淑霞 摄影：沈健程

阿淦带这位玄学家Tasha见C君，甫见面已达成合作计划。

C君在节目拍摄时，经常到现场探望。

阿淦有这次机会始于去年开始主持新城《Bilibala开大喇叭》，当中有环节由90后玄学家Tasha以抽易经牌形式，为来电听众占卜运程，反应不俗，而Tasha想他帮忙搭路跟TVB合作，于是他跟C君提出，结果一拍一合，「C君好爽快话约出嚟倾，约咗返TVB去到停车场已经见到C君，佢第一眼见到Tasha，佢就话『点呀，呢个相头开节目啦』，佢话本身做《开运王》嗰啲都系李丞责同麦玲玲，呢种师父少见啲，所以一倾就一拍即合。」

阿淦跟玄学家Tasha（右前）及主持陈嘉俊（左前）、吴洛汶（后左一）、胡敏芝（后左二）、吕静文（后右二）及陈国麟（后右一）。

阿淦坦言因这班新主持经验尚浅，会趁休息时多加提点。

同观众玩互动

阿淦坦言最初只谂住做媒人，没想过有机会做埋监制，「C君最初有叫我做埋一份，但后嚟又话J2改革想多啲新面孔，问我不如做监制？」虽然他未做过监制，但有开网上频道《淦粗嚟讲》，惯了一脚踢，对做监制有一定帮助，「C君有睇过我啲片，佢都觉得我有啲谂法，会多咗份信任。我冇谂过咁快可以做到电视节目监制，自己有个梦想，做个平台拉埋啲班底做件事出嚟，然后慢慢令到电视台有兴趣，但系冇谂过而家系跳咗个步骤。」

由阿淦自编自导自拍自剪的网上频道《淦粗嚟讲》。

近年主力拍剧的阿淦，在《爱·回家之开心速递》演保安「王朝」为人熟识。

今次节目除了会介绍其他地方的新年习俗外，阿淦透露观众还可一齐玩占卜，「以前睇开啲玄学节目，观众都系单向接收，但系呢个会有互动，会抽啲易经牌好似啲占卜塔罗咁，譬如问会唔会畀老板赏识，4张牌中抽1张，观众可以一齐拣，跟住就解释番每张牌意味一年至半年上司同你嘅关系，我哋希望呢个玩法得到啲年轻人，或者观众锺意，好似《思家大战》喺外国玩咗咁多年，就系可以参与埋一份，呢个仲可以免费帮你问卦就仲抵。」

阿淦跟太太黎慧盈12年婚后，先后诞下朗翘和皓贤两子。

立即下载 | 全新《星岛头条》APP :https://bit.ly/3yLrgYZ