张沛乐（沙律）同ERROR成员吴保锜（保锜）2019年尾被踢爆拍拖，有指男方背模特儿女友赖嘉贤（Carrie）搭上沙律，之后保锜爆粗闹Fans加上疑流出「食女」录音等新闻，男方自知「易燃」两人都恋得低调。沙律去年10月度过30岁生日，保锜仲自爆准备神秘节目为女友庆祝，非常恩爱。不过11月中本报喺铜锣湾撞到沙律行街食饭，心情似乎唔多好，见佢全程面黑黑对住好友大呻：「都几大压力！」估计当时同保锜嘅感情应该开始出问题。采访：梁志明

 

沙律同保锜2019年底被爆拍拖，近日传出已分手。

 

沙律同保锜疑似情海翻波，前者删除IG上与保锜的合照，发文更意有所指：「过去就不想了，希望新一年能遇到更好的人和事。」而保锜就删剩2张与沙律的合照。日前男方出席叱咤颁奖礼，问及分手一事即落闸表示：「感情事唔方便回应。」其实去到分手呢步又岂会是三两日的事，难怪早排撞到沙律行街心情都咁差啦！

 

沙律告别2021年第一步竟然系删除与保锜的合照，发文又意有所指。

 

保锜在份去吒咤坐，提到分手，佢话感情事唔回应。

 

帮衬名牌厨具品牌

记者喺铜锣湾见到沙律与友人时，她手上已拎住个瑞士名牌厨具品牌购物袋，相信是刚刚在附近的分店Shopping完。这个品牌除了有家电也有食谱和厨具，未知沙律是否想增进厨艺呢？不过得益人应该就冇保锜份嘞！

 

沙律手持瑞士名牌厨具购物袋行街，睇嚟想增进厨艺，下任男友有福嘞！

 

向友人呻爆大压力

沙律同朋友晚餐去食上海菜，全程倾唔停，记者仲听到沙律都几大声讲咗句：「都几大压力！」可能呻紧同保锜嘅感情问题，倾到连电话都冇时间拎上手睇，沙律中途离开座位去洗手间，先拎出电话覆吓讯息。埋单走人都唔愿走，喺铜锣湾兜嚟兜去继续倾，睇嚟沙律真系好多心事要讲喎！

 

同朋友食上海菜全程鸡啄唔断，沙律仲呻咗句：「都几大压力！」

 

倾到去洗手间中途先得闲拎出手机望两眼。

 

食完饭仲喺铜锣湾兜嚟兜去继续倾。

 

沙律推出新写真集，呢期喺IG狂宣传，不断提Fans预购。

 

沙律仲有保留上年生日保锜为她庆生的贴文。

 

Carrie曾大爆保锜未分手就搭上其他女仔，直指他偷食。

 

沙律因为好身材系连登仔嘅前女神。

 

去年10月，沙律加入ViuTV，以为她与男友保锜将来会有合作，现在看来机会不大了。

 

沙律于2016年参加ViuTV的选美节目《美选D.n.A》，不过最后八强止步。

 

沙律以火辣身材为卖点，几乎参加过的影视作品都要她晒身材。

 

立即下载 | 全新《星岛头条》APP : https://bit.ly/3yLrgYZ