古天后日志｜年结将至宜守不宜攻

12月29日，大致天晴，天气乾燥，气温略为回升。美股隔晚个别发展，Santa Rally效应下，道指再升95点，不过标指创收市新高后跌4点，标指则下跌89点，主要系变种病毒全球肆虐，避险情绪升温。虽然标指再创新高，同时超过三百间企业腶价创52周新低，咁嘅况曾出现过3次，都发生喺1999年底，2000年科网股爆破前夕，即系目前美股情况跟当时相似。加上，呢一个并非单一现象，目前纽约交易所挂牌嘅上市公司当中，6周移动平均线创新低企业数量多过新高，上次出现呢个现象系2015年7月，当时标指亦创下一年新高，但接住落去6个月则出现回调，期内跌幅近14%。

有分析指喺美国经济降温嘅同时，联储局却同步收水，呢个当然对大市不利，不过咁唔代表美股要即时大幅回调，只系警号响起，大家要提高警觉。咁啱得咁桥，契妈Cathie Wood近日大幅减仓，旗下基金公司ARK Investment周一大规模抛售其持仓，甚至旗下全线基金都「只沽不买」，一反常态好似平时般咁选择转仓。呢个举动令人忧虑，佢系咪睇到市场出现一O的其他人睇唔到嘅危险讯号。与此同时，美国唔少交易员亦开始进行对冲，大举买入睇跌嘅期权，为美股可能出现较大幅度调整做好准备。

对于美股出现大回调，讲都讲O左一段时间，其实市场早有准备，始终美股位高势危，出现较大幅度调整亦合情合理，可怜港股愈玩愈缩，恒指现价更较年初高位低一成几，若然美股有乜事出现大调整，全球股市定必受累，港股亦能独善其身，但估计跌幅未必要跌足美股，只系气氛难免再受影响。古天后已多次提醒大家要做好风险管理，目前只宜轻仓，不宜进取，保留实力，待大市回调再捞货，今年只馀下两个半交易日，明日又系期指结算，反正圣诞假期前已提早收炉，呢两日都系少做少错，只守不攻，等待下周新年过后开局再作定夺。

古天后

(徐狄怡，证监会持牌人)