独家│《造星IV》Day自爆有7个韩国男朋友 受影响恨入女团
2021-12-24 22:51 
《全民造星IV》91号Day（许轶），成功打入最后20强，晋身明晚（25日）举行的总决赛。曾到韩国做过半年练习生的Day，原来当日除了疫情，还因学业及经济等问题要决定放弃留韩追梦，幸好有今次比较延续梦想。不过，锺情韩仔的Day，更自爆同时有7个韩国男朋友，直言梦想入女团也是受他们影响。采访：杜杜、秦咏姿 摄影：叶君海、谭壹致
19岁的Day在面试时已被留意，除了因眼大大得意外形，一句自称「香港Jennie mix Lisa」，即时引起花姐和观众反应，重提这句话她承认后悔口出狂言，「我讲笑咋！因为我系好锺意佢哋，所以先至咁样讲。其实我讲完都即刻唔开心，因为导演跟住问我惊唔惊咁讲畀人话唔似，Oh My God！真系唔应该咁讲，嗰时系第一次casting，我冇谂过系拍紧节目，有可能每一句都会播出街，会畀人讲，畀人评论，嗰时有啲后悔，但都讲咗唯有接受，以后讲嘢都会小心。」
因BTS想做女团
虽然话过自己似出名靓女的BLACKPINK成员Jennie和Lisa，但Day又自谦唔觉自己靓，「唔可以话样衰嘅，自己睇自己总系觉得唔靓，最有信心得个鼻，其他嘢都麻麻哋。」她更强调虽然拍过拖，但追求者唔算多，「我好摺㗎！唔系好同男仔讲嘢，都系女仔friend比较多。」不过她自爆在韩国竟然同时间有7个男朋友之多，但并非做练习生时认识，「嗰阵时系同外界零接触，成班女仔系咁日练夜练。我好锺意BTS（防弹少年团），成队都锺意，所以我有7个男朋友，嗰时都有谂住去嗰度搵佢哋，但咁啱佢哋嗰时喺韩国冇乜活动。」Day承认4、5年前成为BTS粉丝，亦激励了她加入女团的决心，「希望好似佢哋咁样发光，见到佢哋好努力，同埋好有团魂，都好羡慕佢哋，好想好似佢哋咁做女团。」
靠返兼职撑追梦
不过Day到韩国追梦仅维㭙半年，除了受疫情影响，还因学业和经济问题，「虽然嗰度系包食住包训练，但系有好多嘢都系要自己畀钱，譬如交通费，如果3年唔读书冇收入负唔负担到呢！？我最后都系拣读书，虽然追梦系好，但都会谂现实状况，竞争好大，唔系好多人可以成功出道，考虑咗好多因素选择咗放弃。」虽然家人一直很支持Day追梦，但身为独女的她亦不想成为家庭负担，「屋企都好支持，只系要我对自己选择负责任，会话你唔掂就同我讲，或者会问我够唔够钱使，但系我都会同佢哋讲OK，我都过咗18岁唔好意思开口问屋企人攞钱，所以呢几年嘅生活费，都系靠返partime，我做过好多行，餐厅同派传单都做过。」
认基本功未够好
有过韩国做练习生经验的Day，参赛期间虽然偶有失准表现，但尚算不断进步，加上讨好外形可塑性高，仍成为总决赛热门人选，「大热又唔系好觉得，因为都有好多个都话系大热，好似Marf都话系大热，观众嘅期望会更加高，不过对我嚟讲都系好事嚟，人哋对我期望高，自己都要做好啲，系会有压力，但我个人比较懒，系要有啲压力推动我去做先得。」对于表现失准，她承认仲有好多进步空间，「喺韩国做练习生都成日畀人闹，跳舞同唱歌都唔够好，虽然都有继续学跳舞，但都系高中先至开始跳舞，所以比起啲细细个跳舞嘅人，我嘅基本功真系麻麻哋，所以仲有好大段路继续努力。」
最新回应