陈慧琳再任轩仔演唱会嘉宾 取笑主角似圣诞树咁dry

张敬轩昨晚（23日）的首场《THE NEXT 20》演唱会邀得陈慧琳（Kelly）担任表演嘉宾，她即场八卦轩仔的初恋，而轩仔就摆妈咪上枱！轩仔介绍Kelly出场时表示，难邀请得一位十分之有份量的嘉宾，以辈份而言，自己要亲自落台邀请这位大贵人，继而陪著Kelly出场并拖手揽腰合唱《纪念日》，期间轩仔更两度跪地仰望Kelly。

 

轩仔件水晶歌衫又靓又有气势。

 

睇得出演唱会真系落足本。

 

久违的Kelly依然又靓又索。

 

唱毕，Kelly就搞笑问轩仔：「上一次为你做演唱会表演嘉宾系3年前，今次系第2次，你系咪人缘唔好冇朋友，所以请嚟请去都系我？」轩仔即否认道：「唔系，系我锺意你，而且我终于有机会讲呢句话，就系我好细个就听你唱歌。」Kelly即大呼：「啋！」轩仔解释是因为Kelly早出道，并指很喜欢听对方的歌《谁愿放手》，因记录着自己「十月芥菜及情窦初开」之时，Kelly即向轩仔八卦：「咁系咪你初恋之时？又系谁放手先？ 你请得我上嚟就预咗我会八卦！」轩仔尴尬推说：「大家都放手。」Kelly再笑指一身绿衣的轩仔像棵树，笑指这棵圣诞树很dry。

 

两人合唱掀起台下一片掌声。

 

轩仔的父母也在台下捧场支持。

 

Kelly又称一直有留意轩仔的社交平台，知道「遮遮」煮的食物很独特，想请「遮遮」的同乡，因可以令自己愈食愈瘦。轩仔闻言即搞笑推介张妈妈为Kelly煮早餐， 指妈咪煮什么都无味道，近期更爱整「英泥早餐」，Kelly再取笑轩仔道：「你妈咪应该系惊你冇牙呀！」令轩仔无力招架。其后当Kelly独唱《最爱演唱会》时，轩仔即变身小粉丝盘膝坐在台上欣赏。

 

都系嗰句，好靓呀。

 

尾声跟一众舞蹈员又唱又跳。