独家丨薛家燕传承演艺使命添Honey Bees新血 孙仔脚头好工作有增冇减

薛家燕今年5月荣升嫲嫲，孙仔Julian人见人爱。原先家燕姐打算减产凑孙为乐，不过，孙仔脚头好超旺「家燕嫲嫲」，除咗有几个广告打两嫲孙主意外，更有海外登台，而且《全民造星IV》参赛者榛綦、坂部佩莎（莎莎）、港姐冠军宋宛颖及《声梦传奇》锺柔美(Yumi)都曾系佢学生，搞到艺术中心好旺场，工作欲罢不能。采访：方骞平 摄影：沈健程

家燕姐有好多Fans。

 

家燕姐于工展会大受欢迎。

 

家燕姐赞孙仔脚头好，令她工作有增冇减。

 

上周薛家燕喺大女石佑珊陪同下踩入工展会场，为合作咗好20多年嘅本地电器品牌摊位打气，跟观众玩游戏，家燕姐沿途都大受欢迎，唔少fans大赞孙仔好得意，家燕姐甜在心头，至于会否畀佢做小童星？她开心大笑说：「我都觉得佢好得意，半岁经已识呀呀声嚟和唱《皆大欢喜》，好有嫲嫲嘅艺术细胞，但演出呢方面交返畀个仔同新抱决定。」

家燕姐感激一直获广告商支持。

 

家燕姐好搞笑，喺长者入口位打卡。

通关后会返内地会男友

薛家燕承认有唔少广告商打两嫲孙主意，但最紧要系啱小朋友：「我谂尿片、童装都ok。不过我都好感激有咁多合作伙伴，好似本地家电品牌系我第一个接拍嘅广告，由20几年前最失意时候开始支持我，我仔女啲学费系靠晒佢哋，就算孙仔出世都送出即热水机畀BB冲奶用，所以有咩需要唔使讲嘢。」另外，𠵱家家燕姐做完《麻雀斗室三缺一》再忙拍《新春开运王》，又倾紧登台及筹备紧《家燕妈妈艺术中心大汇演》，工作量有增冇减：「但通关后我会第一时间返内地会男友，疫情下有年几两年冇见面。」至于艺术中心愈嚟愈多人报名，家燕姐都希望拣选多啲女子组合Honey Bees新血，传承演艺使命。
 

 

港姐冠军宋宛颖及《声梦传奇》锺柔美都曾系佢艺术中心学生。

 

大女珊珊生日，一家人难得出嚟食饭庆祝。

 

家燕姐要添加少女组合Honey Bees新血，（左起）坂部佩莎曾经都系其中一员。