草蜢圣诞网上免费骚翻唱梅艳芳名作 为香港癌症基金会筹款
2021-12-23 22:00 
草蜢三子将于12月26日举行名为《草蜢．爱的礼物．A Present》网上免费音乐会，翻唱多首梅艳芳经典名作，除了想透过音乐，向大家送上圣诞祝福，更希望将这份心意送给他们的师傅、梅姐梅艳芳。当日将有来自香港、马来西亚及加拿大的电视台、电台、传媒一起进行联播，希望为香港癌症基金会筹得更多款项。
蔡一智说：「我哋一年前开始构思搞呢个音乐会，当时香港疫情好严重，令我哋谂起梅姐，相信如果佢仲喺度，一定会带领我哋四出做慈善，帮助有需要嘅人，所以我哋三个觉得，系时候要做啲嘢，去承传梅姐锺意行善、锺意帮助人嘅心。」
由于梅姐拥有无数经典歌曲，草蜢坦言选歌单的过程非常头痛，因为「每首都系心水、每首都锺意」。蔡一杰说：「净系拣歌都花咗好多时间，最终我哋系用抽签嘅方法，去解决问题，因为真系太多歌，每一首都系经典。依家拣出嚟嘅歌，相信无论系梅姐嘅歌迷，包括我哋三个梅姐嘅小粉丝，都好锺意。」
选歌期间，昔日与师傅四出登台、巡回演出的画面，一一涌上心头。苏志威说：「唱嘅时候，我忍唔住眼红红，真系勾起咗好多回忆，希望大家听嘅时候，都会勾起一啲回忆。」蔡一智补充说：「梅姐以前嘅歌真系好正，如果我哋草蜢要再出广东歌，真系要出多二百分努力去做好音乐，希望做到更高水准嘅广东歌。」
最新回应