独家丨张崇德开演唱会搵埋赞助超大压力 张崇基返加国前与弟最后一Show

张崇基、张崇德两兄弟由2002年举行《二人之重唱》演唱会，到本月31日及明年1月1日嘅两场《2021最后的基会难德演唱会》，先后开过十次Show，今次仲系跨年举行，张崇德形容系十全十美的结局，张崇基表示将返加拿大定居，将来只能换个形式再合作。采访：方骞平 摄影：沈健程 化妆：Fa Tsang @ Jennifer’s Workshop 发型：Kenji Ng @ iL colpo

张崇基及张崇德最后一次开骚，Fans表示不舍。

 

对上一次演唱会于3年前举行，林子祥系表演嘉宾。

 

张崇基为9岁儿子决定移居加拿大。

开演唱会要兼顾埋制作、票房甚至搵赞助商，崇德坦言攰到顶唔顺，不论体力及精神压力都承受唔到：「尤其知道嗰日票房唔好，即弹起身寻求宣传对策，相对做歌手轻松得多，on show前操吓就ok。」

开演唱会要兼顾埋制作、票房甚至搵赞助商，崇德坦言攰到顶唔顺。

同小凤姐互相支持
张崇德坦承开Show「揸庄」咁耐都试过误堕陷阱，搞到要蚀住做，但要做到无损心情，算系人生课题之一。而最难忘系2006年同小凤姐(徐小凤)同期开show，小凤姐依然摄到时间为他们做嘉宾，而他和刘美娟都有去捧小凤姐场，证明同行唔一定系竞争，仲可以互相支持咁先好玩。对于时下乐坛多新秀，张崇德好欣赏MIRROR：「好记得两年前帮个客搞Show，即使镜仔只系唱3首歌，个个演出单位只系排练半小时，而佢哋排足3小时，其实佢哋经已跳得好齐，但花姐仍然有要求，咁个个好乖系咁跳，纵使安排畀佢哋打乱晒，但睇到佢哋付出，好专业。」

两年前张崇德曾经同镜仔合作过，大赞他们够专业。

 

2002举行《二人之重唱》演唱会，郑秀文惊喜现身。

 

2006年两兄弟同小凤姐同期开show，张崇德和刘美娟去捧小凤姐场。

 

话咁快张崇德仔大女大，而且好有音乐天份。