吴卓羲新戏一反正气形象扮演不忠狠心假面医生

2021-12-15 13:00

汤怡（Kathy）、吴卓羲（Ron）及潘灿良主演的新戏《致命24小时》，将于下月6日上映，向来以正气形象示人的Ron，在戏中「一反常态」，扮演一个对老婆不忠、甚至为求自保不惜狠下毒手的假面医生：「在戏剧世界中每个人都系自私，当我演绎杨耀华呢个角色时，我并唔觉得佢系『渣男』，系时势同环境迫使佢走到嗰一步！」当导演叶念琛邀请Ron演出时，他以为又是对方最拿手的爱情戏，谁知居然是部惊悚片，Ron愿意接受挑战时，同时有其他的考量：「除咗想点样演绎角色外，仲有体力劳动方面，呢套其实系动作片，包括我同Kathy被灿哥绑住，需要歇斯底里去呼叫，仲有同灿哥角力嘅场面，每场都系要付出好大体力！」

吴卓羲扮演一个假面医生，对他来说是新尝试。

戏中和汤怡演两夫妻，但两人心中都各有主意。

两人表现恩爱，但内里却有阴谋。

起初都还很恩爱，有咀嘴镜头。

Ron之前从未与Kathy合作过，他大赞对方是十分聪明的女演员，只要导演稍为解释，Kathy已迅速明白。谈到Kathy要应付大量惨被凌虐的场面，Ron更表示百分百佩服：「Kathy真系唔怕痛，灿哥真系打佢、扯佢头发同埋将佢抛落梳化，佢身上嘅瘀伤都系真。仲要连戏完全冇问题，嗰段戏足足拍咗5、6日，我仲好，但Kathy真系好辛苦，所以喺现场我唔敢骚扰她，等佢好好培养情绪，一埋位即能够入戏。」Ron和潘灿良更是素未谋面，Ron透露得知跟他合作很放心，因深信对方必能带动他入戏。