独家丨叶巧琳新碟当最佳生日礼物 访问突变惊喜Party

叶巧琳（Mischa）上周五（26日）37岁生日，公司同事跟Fans夹好给她神秘惊喜，当她接受《头条》专访时，突现身攞着蛋糕为她庆祝。Mischa坦言今年完成了多项愿望清单，而新碟《Never Too Late, My Path, Mi Way》及由师兄林奕匡（Phil）作曲加黄伟文（Wyman）填词的新歌《难度我还未够难》，她更视为最佳生日礼物。撰文：杜杜 摄影：沈健程 形象：Alan Ng 发型：Milk Chan@Xenter 化妆：Cyrus Lee

Mischa开心有惊喜，「有谂过生日上公司做嘢有冇蛋糕食呢？但冇谂过Fan Club会长会上嚟畀个亲手整蛋糕我。」生日前夕跟男友食完日式烤肉后，正日她再跟父母庆祝，「呢年忙咗少见咗佢哋，希望生日同佢哋一齐度过。」而生日愿望她认为永远是身体健康，而提到礼物她就兴奋话：「最好礼物梗系只新碟啦！新歌仲有Phil嘅歌同Wyman嘅词喎!」

完成愿望清单
新碟收录了Mischa这3年来制作的歌曲，「碟名《NEVER TOO LATE, MY PATH Mi WAY》系之前演唱会主题，大家知我条路唔易行，好多嘢好迟出发，但望番转头系开心、舒适，感恩等咗咁耐，大家见到我歌路嘅转变。」而新歌得Wyman「加词」令她更兴奋，「首歌算系3年嚟一个总结或者回顾，感激Wyman填份励志得嚟有少少Dark Side嘅词，所谓Dark Side就系现实，会怨其他嘢，我3年里面都经历过，攞份词去唱喊到傻咗，嗰刻唔系伤感系中晒，里面嘅嘢用歌词抒发咗出嚟，唱完第一次仲喺度抽搐系咁喊，但喊完舒服晒个人轻咗。」


Mischa今年完成多项愿望清单，继有演音乐剧、开演唱会、获Wyman填词、Phil作曲；更将参与主题公园音乐会、拍微电影及为动画配音等等，但她会以平常心去面对，「我简直觉得幸福会唔会来得太多了，有一刹那好惊，我知会有一刻冇咗，好惊失去嗰个感觉，但有朋友同我讲『保持善良，善良嘅人就会围住你』，我会铭记于心。」