陈浩民情深吻贺老婆36岁生日 结婚10年愈来愈有夫妻相

陈浩民（Benny）同内地模特儿蒋丽莎（Lisa）结婚10年，五年抱四，生咗三女一子，Lisa经常会喺社交网上载一家六口温馨家庭照。而今日（30日）就系Lisa嘅36岁生日，佢同老公撇甩四个仔女，与友人提早庆祝生日，尽兴一番！

Lisa噚日喺微博上载生日派对嘅相片，见浩民情深吻太太面珠，而Lisa仲合晒眼好陶醉，十足一对热恋情侣。而浩民亦保养得好好，皮光肉滑，笑起上嚟块面几乎见唔到有皱纹，完全睇唔出已经52岁，同老婆仲愈嚟愈有夫妻相。Lisa开心留言：「谢谢老公和朋友们的细心安排，感恩有你们的陪伴。」