高海宁海边做瑜伽骚S形身曲 发表磁场论若你盛开蝴蝶自来

高海宁（高Ling）趁住唔使开工嘅日子，偷闲去南丫岛，过几日远离繁嚣嘅悠闲生活。高Ling近日频频喺社交网上载岛上嘅欢乐片段，与外国朋友畅饮，又跟小朋友一齐睇日落，散发一股母爱，高Ling以英文留言：「同呢个细路仔一齐真系一个好神奇嘅时刻，佢话『你闻起嚟好似雪糕。』」小朋友仲忍唔住锡咗靓姐姐一啖。

但讲到最吸睛，就系高Ling穿上贴身瑜伽服喺海边做瑜伽，尽显S形曲线身材，加上单脚企，及低头扭身体动作，柔软度超高。高Ling有感而发话：「每个人身边都有一个磁场围绕，无论你在何处，磁场都跟着你，而你的磁场也吸引着磁场相同的人和事。换句话说，你所遇到的一切，好的坏的，其实都是你吸引来的。你若盛开，蝴蝶自来。你若盛开🌼蝴蝶自来。」锺嘉欣都留言表示赞成。